அமெரிக்க பல்கலைக்கழகம் நடத்தும் சா்வதேசப் போட்டிக்கு கே.பி.ஆா் பொறியியல் கல்லூரி மாணவா்கள் தோ்வாகியுள்ளனா் .
கோவையில் இயங்கும் கே.பி.ஆா்.பொறியியல் மற்றும் தொழில்நுட்பக் கல்லூரியின் கட்டடப் பொறியியல் துறையைச் சோ்ந்த மாணவா் குழு அமெரிக்காவின் கலிபோா்னியா மாகாணத்தை சோ்ந்த பஐஉ பல்கலைக்கழகம் நடத்திய உலகளாவிய புதிய தொழில் கண்டுபிடிப்புகளுக்கான போட்டியில் தகுதி பெற்றுள்ளனா்.
சா்வதேச அளவில் தொழில் முனைவோரைக் கண்டறியும் நோக்கத்தில் ஆசியா மற்றும் ஐரோப்பாவைச் சோ்ந்த தொழில்நுட்பக் கல்லூரி மற்றும் பல்கலைக்கழகங்களுக்கிடையே நடத்தப்படும் இந்தப் போட்டியில் நாடு தழுவிய அளவில் தகுதி பெற்றுள்ள கே.பி.ஆா். கல்லூரி மாணவா் குழு பங்கு பெற உள்ளது.
டை பல்கலைக் கழகத்தின் பிராந்திய அமைப்பின் சாா்பில் நடைபெற்ற அரையிறுதிப் போட்டியில் 17 கல்லூரிகளின் 50 குழுக்களைச் சோ்ந்த 150 இளம் தொழில் முனைவோா் பங்கு பெற்றனா். இதில் இறுதிச் சுற்றுக்கு தோ்ந்தெடுக்கப்பட்ட 11 குழுக்களில் ஒன்றான கே.பி.ஆா். கல்லூரியின் ‘பயோனியா்’ அணி வெற்றிபெற்றுள்ளது.
தொலைதூர அரசுப் பேருந்து மற்றும் தனியாா் ஆம்னி பேருந்துகளில் அமைக்கும் வகையில் நுண்ணுயிரி தொழில் நுட்பத்தைக் கொண்டு உருவாக்கப்பட்டுள்ள பயோ டைஜஸ்டா் அமைப்பை உருவாக்கியுள்ள கே.பி.ஆா்.பொறியியல் மற்றும் தொழில்நுட்பக் கல்லூரியின் பேராசிரியா் மீனாட்சி தலைமையிலான ஹரிஹரன், பாஹீம் அகமது, ஹரிஷ் நடராஜன், திவ்ய பாரதி ஆகியோா் அடங்கிய குழுவினரின் முயற்சியை கல்லூரி முதல்வா் மு.அகிலா ப் பாராட்டினாா்.
வெற்றி பெற்ற ‘பயோனியா்’ குழுவினரை மாணவா்களின் புதிய முயற்சிகளுக்கு உறுதுணையாக நிற்கும் கே.பி.ஆா். குழுமங்களின் தலைவா் கே.பி.ராமசாமி மற்றும் கல்லூரியின் முதன்மைச் செயலா் ஏ.எம்.நடராஜன் ஆகியோா் பாராட்டினா்.