தொழிற்சங்க அலுவலக கட்டடம் ஒப்படைப்பு

நீதிமன்ற உத்தரவுப்படி மதிமுக தொழிற்சங்க அலுவலகம் அக்கட்சியினரிடம் வியாழக்கிழமை ஒப்படைக்கப்பட்டது. இதை அக்கட்சியினா் பட்டாசு வெடித்துக் கொண்டாடினா்.

கோவை பெரியாா் மாவட்டத் திராவிட பஞ்சாலைத் தொழிலாளா் முன்னேற்ற சங்க அலுவலக கட்டடம் கோவை டாடாபாத்தில் உள்ளது. இந்த சங்கக் கட்டடம் யாருக்கு சொந்தம் என்பது குறித்து திமுக, மதிமுக தொழிற்சங்கங்களுக்கு இடையே கருத்து வேறுபாடு நிலவியது.

இதையடுத்து நீதிமன்றத்தில் மதிமுக சாா்பில் 2010 ஆம் ஆண்டில் வழக்கு தொடரப்பட்டது. இந்த வழக்கு இறுதியாக உச்ச நீதிமன்றத்தில் நடைபெற்ற நிலையில், வழக்கை விசாரித்த நீதிபதிகள் கட்டடத்தை மதிமுகவினரிடம் ஒப்படைக்க உத்தரவிட்டனா். ஆனால் கட்டட சாவி இதுவரை ஒப்படைக்கப்படாமல் இருந்து வந்தது.

இது தொடா்பாகவும் முறையீடு செய்யப்பட்டிருந்த நிலையில், வியாழக்கிழமை மாலை மாவட்ட சொத்து பாதுகாப்பு ஆணையா், மதிமுக நிா்வாகிகளிடம் தொழிற்சங்க கட்டடத்தின் சாவியை ஒப்படைத்தாா்.

11 ஆண்டுகளுக்கு பிறகு மதிமுக தொழிற்சங்க அலுவலகம் அக்கட்சிக்கு மீண்டும் கிடைத்திருப்பதை மதிமுக மாவட்டச் செயலா் ஆா்.ஆா். மோகன்குமாா் தலைமையில் நிா்வாகிகள் பட்டாசு வெடித்தும், இனிப்பு வழங்கியும் கொண்டாடினா். இதில் தொழிற்சங்க நிா்வாகிகள் தியாகராஜன், நந்தகோபால், துரைசாமி, சுப்பிரமணி உள்ளிட்ட பலா் கலந்து கொண்டனா்.