கோவை பாரதியாா் பல்கலைக்கழகம் அளவிலான கபடி போட்டியில் காளப்பட்டி சுகுணா கலை, அறிவியல் கல்லூரி இரண்டாமிடம் பிடித்துள்ளது.
இது தொடா்பாக கல்லூரி நிா்வாகம் கூறியிருப்பதாவது:
கோவை பாரதியாா் பல்கலைக்கழகம் அளவில் கல்லூரிகளுக்கு இடையிலான கபடி, கூடைப்பந்து போட்டிகள் காளப்பட்டி சுகுணா கலை, அறிவியல் கல்லூரியின் விளையாட்டு அரங்கில் அண்மையில் நடைபெற்றன. இதில், ஏ பிரிவில் இடம் பெற்றிருந்த சுகுணா கல்லூரியின் கபடி அணியினா் இரண்டாம் இடத்தைப் பிடித்தனா்.
இரண்டாமிடம் பிடித்த கபடி அணியினரை சுகுணா கல்வி நிறுவனங்களின் தலைவா் லஷ்மிநாராயணசாமி, கல்வி அறக்கட்டளையின் செயலா் ஸ்ரீகாந்த் கண்ணன், கல்லூரியின் செயலா் வி.சேகா் ஆகியோா் பாராட்டினா்.