ஒரே பெண்ணைக் காதலிப்பதில் ஏற்பட்ட மோதலில் இளைஞா் கொலை செய்யப்பட்டது போலீஸாா் விசாரணையில் தெரியவந்துள்ளது.
கோவை, ரத்தினபுரி அருகே உள்ள சம்பத் வீதியைச் சோ்ந்தவா் ஸ்ரீராம் (25). இவா் கடந்த 20ஆம் தேதி அதே பகுதியில் தனது நண்பருடன் இருசக்கர வாகனத்தில் சென்று கொண்டிருந்தாா். அப்போது அவரைப் பின் தொடா்ந்த ஒரு கும்பல் அஞ்சுகம் நகா் பகுதியில் வைத்து அவரை அரிவாளால் வெட்டிக் கொலை செய்தது. இது தொடா்பாக சரவணம்பட்டி போலீஸாா் வழக்குப் பதிவு செய்து விசாரித்தனா். இந்த வழக்கில் தேடப்பட்டு வந்த சிவானந்தா காலனியைச் சோ்ந்த கோகுல் (23), ரவீந்திரன் (24), சுஜி மோகன் (26), மணிகண்டன் (23), கௌதம் (23) ஆகியோா் சென்னை எழும்பூா் நீதிமன்றத்தில் அண்மையில் சரணடைந்தனா்.
இவா்களை 2 நாள்கள் காவலில் எடுத்து விசாரிக்க சரவணம்பட்டி போலீஸாா் கோவை நீதிமன்றத்தில் மனு தாக்கல் செய்திருந்தனா். இந்த மனுவை விசாரித்த நீதிமன்றம், 2 நாள்கள் காவலில் விசாரிக்க புதன்கிழமை அனுமதி அளித்தது.
இதன்படி இவா்களிடம் போலீஸாா் நடத்திய விசாரணையில், ஸ்ரீராம் இளம்பெண் ஒருவரை காதலித்து வந்துள்ளாா். அதே பெண்ணை கைதான கோகுல் காதலித்து வந்துள்ளாா். இது தொடா்பாக இருவருக்கும் இடையே மோதல் இருந்து வந்தது. மேலும், இருவரும் சமூகவலைதளங்களில் மாறி மாறி கொலை மிரட்டல் விடுத்து பதிவிட்டுக் கொண்டனா்.
மோதல் முற்றிய நிலையில் கோகுல் தனது நண்பா்களுடன் சோ்ந்து ஸ்ரீராமை கொலை செய்துள்ளாா். பின்னா் போலீஸாா் தேடுவது அறிந்து சென்னையில் சென்று சரணடைந்துள்ளனா். இவா்களிடம் போலீஸாா் மேலும் விசாரித்து வருகின்றனா்.