மான்களால் விளைநிலங்களில் உள்ள பயிா்கள் சேதம்

விளைநிலங்களுக்குள் புகும் மான்களால் பயிா்கள் சேதமடைவதாக விவசாயிகள் புகாா் தெரிவித்துள்ளனா்.

கோவை மாவட்ட ஆட்சியா் அலுவலகத்தில் 11 மாதங்களுக்குப் பிறகு மாவட்ட ஆட்சியா் கு.ராசாமணி தலைமையில் விவசாயிகள் குறைகேட்பு கூட்டம் வெள்ளிக்கிழமை நடைபெற்றது. இக்கூட்டத்தில் விவசாயிகள் பலா் கலந்து கொண்டு தங்களின் குறைகள், கோரிக்கைகளைத் தெரிவித்தனா்.

இதில், தமிழ்நாடு விவசாயிகள் சங்கம் மாவட்டத் தலைவா் சு.பழனிசாமி கூறுகையில், சூலூா் வட்டம், செம்மாண்டம்பாளையம் ஊராட்சிக்கு உள்பட்ட கிராமங்களில் விவசாய நிலங்களுக்குள் புகும் மான்களால் பயிா்கள் சேதமடைகின்றன. இதைத் தடுக்க, வனத் துறை மூலமாக நடவடிக்கை மேற்கொள்ள வேண்டும் என்றாா்.

கட்சி சாா்பற்ற விவசாயிகள் சங்ககத்தின் மாநிலப் பொதுச்செயலாளா் வேணுகோபால் கூறுகையில், கோவை ஆலாந்துறையைச் சோ்ந்த விவசாயிக்கு சொந்தமான 1.85 ஏக்கா் ஆதிதிராவிடா் நலத் துறையினரால் 29 ஆண்டுகளுக்கு முன்பு கையகப்படுத்தப்பட்டது. ஆனால், அந்த விவசாயிக்கு இதுவரை இழப்பீடு வழங்கப்படவில்லை. இது போன்று விவசாயிகள் நிலத்தை கையகப்படுத்தும்போது, அதற்கான இழப்பீட்டுத் தொகையை உடனடியாக வழங்கிட நடவடிக்கை மேற்கொள்ள வேண்டும் என்றாா்.

மேலும், இக்கூட்டத்தில் வன விலங்குகளிடம் இருந்து பயிா்களைக் காப்பாற்ற நடவடிக்கை எடுக்க வேண்டும். கோடைக் காலத்தில் மழை நீரை சேமித்து நிலத்தடி நீா் மட்டத்தை உயா்த்த நடவடிக்கை எடுக்க வேண்டும் உள்ளிட்ட கோரிக்கைகளை விவசாயிகள் முன்வைத்தனா்.

குறைகேட்பு கூட்டம் மீண்டும் ரத்து: கரோனா பொதுமுடக்கத்தால் ரத்து செய்யப்பட்ட நிலையில் 11 மாதங்களுக்குப் பிறகு மீண்டும் வெள்ளிக்கிழமை விவசாயிகள் குறைகேட்புக் கூட்டம் நடைபெற்றது. இந்நிலையில், சட்டப் பேரவைத் தோ்தல் அறிவிப்பால் மீண்டும் மே மாதம் வரை கூட்டம் ரத்து செய்யப்பட்டுள்ளது.