வேளாண் சட்டங்களைத் திரும்பப் பெற வலியுறுத்தி பிஎஸ்என்எல் அலுவலகம் முன்பு போரட்டத்தில் ஈடுபட்ட எஸ்டிபிஐ கட்சியினா் நூற்றுக்கும் மேற்பட்டோரை போலீஸாா் செவ்வாய்க்கிழமை கைது செய்தனா்.
வேளாண் சட்டங்களைத் திரும்பப் பெற வலியுறுத்தியும், தில்லியில் போராட்டத்தில் ஈடுபட்டு கைது செய்யப்பட்ட விவசாயிகளை விடுவிக்க வலியுறுத்தியும் எஸ்டிபிஐ கட்சியினா் ரயில் நிலையம் அருகே உள்ள பிஎஸ்என்எல் அலுவலகத்தை செவ்வாய்க்கிழமை முற்றுகையிட முயன்றனா்.
ஆா்ப்பாட்டத்துக்கு மாவட்டத் தலைவா் ராஜா உசேன் தலைமை வகித்தாா். மாவட்ட நிா்வாகிகள் முகமது இசாக், அன்சா் செரீப், அப்துல் காதா், மாநில வா்த்தக அணித் தலைவா் அப்துல் ரஹீம், செயலா் அப்துல் கரீம், மண்டலச் செயலா் முஸ்தபா, நிா்வாகிகள் முகமது இக்பால், செய்தித் தொடா்பாளா் மன்சூா் அலி, தொழிற்சங்கத் தலைவா் ரவூப் நிஸ்தாா் உள்ளிட்டோா் பங்கேற்றனா்.
ஆா்ப்பாட்டத்தில் ஈடுபட்டவா்கள் விவசாயிகள்போல, உடையணிந்து கைகளில் தட்டு ஏந்தி போராட்டத்தில் ஈடுபட்டனா். இதையடுத்து பிஎஸ்என்எல் முன்பு சாலையில் அமா்ந்து போராட்டத்தில் ஈடுபட முயன்றவா்களை போலீஸாா் பேச்சுவாா்த்தை நடத்தி கலைந்து போகுமாறு கூறினாா்.
இதை ஏற்க மறுத்த எஸ்டிபிஐ கட்சியினா் பிஎஸ்என்எல் அலுவலகத்துக்குள் நுழைய முயன்றபோது அவா்களைத் தடுத்து நிறுத்திய போலீஸாருக்கும், போராட்டக்காரா்களுக்கும் இடையே தள்ளுமுள்ளு ஏற்பட்டது. இதையடுத்து, ஆா்ப்பாட்டத்தில் நூற்றுக்கும் மேற்பட்டோரை போலீஸாா் கைது செய்தனா்.
பொள்ளாச்சியில்...
கோவை தெற்கு மாவட்ட எஸ்டிபிஐ சாா்பில் பொள்ளாச்சி ரயில் நிலையம் முன்பு 30க்கும் மேற்பட்டோா் மறியலில் ஈடுபட முயன்றனா். பின்னா் போலீஸாா் பேச்சுவாா்த்தை நடத்தியதையடுத்து, மறியல் போராட்டத்தை கைவிட்டு ஆா்ப்பாட்டத்தில் ஈடுபட்டனா்.