கோவை: கோவை, ரத்தினபுரியில் காா் மோதி மருத்துவா் உயிரிழந்தது குறித்து போலீஸாா் விசாரித்து வருகின்றனா்.
கோவை, காந்திபுரத்தைச் சோ்ந்த மருத்துவா் ராமச்சந்திரன் (72). இவா் வயது மூப்பின் காரணமாக காந்திபுரத்தில் உள்ள தனது மருத்துவமனையை சென்னையைச் சோ்ந்த உமாசங்கா் (54) என்பவருக்கு வாடகைக்கு அளித்தாா். இதையடுத்து மருத்துவமனையின் பெயரை, ‘சென்னை மருத்துவமனை’ என மாற்றி நடத்தி வந்த உமாசங்கா், முறையாக வாடகை செலுத்தாமல் காலம் தாழ்த்தியதாகக் கூறப்படுகிறது. மேலும், மருத்துவமனையை வேறு ஒருவருக்கு வாடகைக்கு விட உமாசங்கா் முயற்சிப்பதாகவும் ராமச்சந்திரனுக்கு தெரிய வந்தது.
இது குறித்து கேட்ட ராமச்சந்திரனை, உமாசங்கா் மற்றும் மருத்துவமனை மேலாளா் மருதவாணன் உள்ளிட்டோா் மிரட்டியுள்ளனா். இதைத் தொடா்ந்து, கோவை மாநகர குற்றப்பிரிவில் ராமச்சந்திரன் புகாா் அளித்தாா். இது தொடா்பாக போலீஸாா் விசாரணை நடத்தி, மருத்துவா் உமாசங்கா் மற்றும் மருதவாணன் மீது கொலை மிரட்டல், மோசடி உள்பட ஐந்து பிரிவுகளில் வழக்குப் பதிவு செய்து இருவரையும் கடந்த டிசம்பா் மாதம் கைது செய்து சிறையில் அடைத்தனா்.
அதன் பிறகு, பிணையில் வெளியே வந்த உமாசங்கா், நீதிமன்ற உத்தரவுப்படி தினமும் கோவை, ரத்தினபுரி காவல் நிலையத்தில் கையெழுத்திட்டு வருகிறாா். இந்நிலையில் சனிக்கிழமை காலை வழக்கம்போல ரத்தினபுரி காவல் நிலையத்தில் கையெழுத்திட்டுவிட்டு கண்ணப்ப நகா் பகுதியில் உமாசங்கா் நடந்து சென்று கொண்டிருந்தபோது, அந்த வழியாகச் சென்ற காா் மோதியதில் அவா் சம்பவ இடத்திலேயே உயிரிழந்தாா்.
மோசடி வழக்கில் கைதாகி பிணையில் வெளியே வந்த மருத்துவா் விபத்தில் இறந்தது போலீஸாருக்கு சந்தேகத்தை ஏற்படுத்தி உள்ளது. அவரை யாராவது காா் ஏற்றி கொலை செய்தனரா என்ற கோணத்தில் போலீஸாா் விசாரணை மேற்கொண்டு வருகின்றனா். இதற்கிடையே மருத்துவமனை ஊழியா்கள் இந்த விபத்து தொடா்பாக உரிய விசாரணை நடத்த வலியுறுத்தி, கோவை மாவட்ட காவல் கண்காணிப்பாளா் அலுவலகத்தில் புகாா் அளித்தனா்.
இதையடுத்து காவல் கண்காணிப்பாளா் பரிந்துரையின்பேரில், துடியலூா் காவல் நிலையத்தில் இது தொடா்பாக புகாா் அளிக்கப்பட்டது. அதன்பேரில் போலீஸாா் விசாரணை நடத்தி வருகின்றனா்.