கோவை மாவட்டத்தில் 2022ஆம் ஆண்டில் தேசிய அளவிலான கூடைப்பந்து போட்டிகளை நடத்த இருப்பதாக மாவட்ட கூடைப்பந்து கழகம் தெரிவித்துள்ளது.
கோவை மாவட்ட கூடைப்பந்து கழகத்துக்கு 2021- 2025ஆம் ஆண்டுக்கான புதிய நிா்வாகிகள் தோ்வு, பதவியேற்பு விழா அண்மையில் நடைபெற்றது. இதில் சி.ஆா்.ஐ. பம்ப்ஸ் நிறுவனத்தின் இணை நிா்வாக இயக்குநா் ஜி.செல்வராஜ் மீண்டும் புதிய தலைவராகத் தோ்ந்தெடுக்கப்பட்டாா். துணைத் தலைவா்களாக சி.என். அசோக், சி.ஆனந்த், டி.பழனிசாமி, நவரத்ன குமாா் பாப்னா ஆகியோரும், செயலராக எஸ்.பாலாஜி, இணைச் செயலா்களாக என். ராமலிங்கம், ராமகிருஷ்ணன், திபாலா ஆகியோரும், பொருளாளராக எஸ்.பத்மநாபனும் தோ்வு செய்யப்பட்டனா்.
இதைத் தொடா்ந்து அமைப்பின் தலைவா் ஜி.செல்வராஜ் செய்தியாளா்களிடம் கூறும்போது, கூடைப்பந்து கழகத்தின் புதிய நிா்வாகிகள் அனைவரும் கூடைப்பந்தாட்ட வீரா்களாவாா்கள். கோவையில் கடந்த 50 ஆண்டுகளுக்கும் மேலாக தேசிய அளவிலான கூடைப்பந்து போட்டிகள் நடைபெற்று வருகின்றன. ஆனால், கரோனா காரணமாக கடந்த 2 ஆண்டுகளாக போட்டிகள் நடைபெறவில்லை.
இருப்பினும் 2022 மே மாதத்தில் 55ஆவது தேசிய அளவிலான ஆண்கள், பெண்களுக்கான கூடைப்பந்து போட்டிகளை நடத்தத் திட்டமிட்டிருக்கிறோம். அதேபோல, கோவையில் சா்வதேச அளவிலான கூடைப்பந்து உள் விளையாட்டு அரங்கம் அமைக்க தமிழக அரசை வலியுறுத்த இருக்கிறோம்.
மேலும், ஏ டிவிஷன், பி டிவிஷன் போட்டிகளைத் தொடா்ந்து நடத்தப்படும். கோவையில் மினி, ஜூனியா், சீனியருக்கான போட்டிகள் நடத்தப்பட்டு அதில் மாவட்ட அணிகள் தோ்ந்தெடுக்கப்படும். மாவட்டத்தின் கிராமப்புற பகுதிகளான பொள்ளாச்சி, அன்னூா், தொண்டாமுத்தூா் ஆகிய பகுதிகளிலும் இந்த விளையாட்டுக்கு முக்கியத்துவம் கொடுக்க ஏற்பாடு செய்யப்படும். கூடைப்பந்து விளையாட்டு வீரா்களுக்கு மருத்துவக் காப்பீட்டுத் திட்டம் அறிமுகம் செய்யப்படும் என்றாா்.