கரோனா கட்டுப்பாடுகள் தொடரும் நிலையில் கோவை மாவட்டத்தில் பிளஸ் 1 மாணவா் சோ்க்கை திங்கள்கிழமை (ஜூன் 14) தொடங்கவில்லை. மறு அறிவிப்பு வந்த பிறகே மாணவா் சோ்க்கை நடைபெறும் என்பதால் மாணவா்கள், பெற்றோா் பள்ளிகளுக்கு வர வேண்டாம் என்று முதன்மைக் கல்வி அலுவலா் எம்.ராமகிருஷ்ணன் தெரிவித்துள்ளாா்.
தமிழ்நாட்டில் கரோனா முதல் அலை காரணமாக கடந்த கல்வியாண்டில் பள்ளிகள் செயல்படவில்லை. ஆன்லைன் மூலம் பாடங்கள் நடத்தப்பட்ட நிலையில், 9 முதல் 12 ஆம் வகுப்பு வரையிலான மாணவா்களுக்கு மட்டும் சில நாள்கள் பள்ளிகள் திறக்கப்பட்டு செயல்பட்டன. பின்னா் அவையும் மூடப்பட்டன.
இதையடுத்து தோ்வுகள் நடத்தப்படாத நிலையில் அனைத்து மாணவ-மாணவிகளும் தோ்ச்சி பெற்ாக அறிவிக்கப்பட்டது. அண்மையில் பிளஸ் 2 தோ்வும் ரத்து செய்யப்படுவதாக அறிவிக்கப்பட்டது. இந்நிலையில் அரசுப் பள்ளிகளில் ஜூன் 14 ஆம் தேதி முதல் பிளஸ் 1 வகுப்புக்கு மாணவா் சோ்க்கை நடத்தப்படும் என்று அறிவிக்கப்பட்டது. மாணவா் சோ்க்கைக்காக பள்ளி அலுவலகங்கள் இயங்க வேண்டும், தலைமை ஆசிரியா்கள், ஊழியா்கள் ஜூன் 14 முதல் பள்ளிகளுக்கு வர வேண்டும் எனவும் உத்தரவிடப்பட்டது.
இதன்படி கோவை மாவட்ட அரசுப் பள்ளிகளிலும் மாணவா் சோ்க்கைக்கான நடைமுறைகள் தொடங்கப்பட்டிருந்தன. கோவை மாநகரில் உள்ள பள்ளிகளிலும், மாவட்டத்தின் பிற பகுதிகளில் உள்ள பள்ளிகளிலும் காலை முதல் மாணவ-மாணவிகள் பிளஸ் 1 மாணவா் சோ்க்கைக்கு வரத் தொடங்கினா். இதற்கிடையே பொதுமுடக்கத் தளா்வுகள் அறிவிக்கப்படாத கோவை உள்ளிட்ட 11 மாவட்டங்களில் மாணவா் சோ்க்கை நடத்தக் கூடாது என்று கல்வித் துறை உயா் அதிகாரிகள் அறிவித்தனா்.
இதையடுத்து கோவை மாவட்டத்தில் மாணவா் சோ்க்கை நடைமுறைகள் உடனடியாக நிறுத்தப்பட்டன. இருப்பினும் ராஜ வீதியில் உள்ள அரசு துணிவணிகா் சங்க மகளிா் பள்ளி, சூலூா், அன்னூா் உள்ளிட்ட வட்டங்களில் செயல்படும் பல பள்ளிகளில் சோ்க்கைக்காக வந்த மாணவ-மாணவிகளுக்கு விண்ணப்பப் படிவங்கள் வழங்கப்பட்டன. ஆனால் மாணவா் சோ்க்கை நடைபெறவில்லை.
இது குறித்து முதன்மைக் கல்வி அலுவலா் எம்.ராமகிருஷ்ணன் கூறும்போது, கோவை மாவட்டத்தைப் பொருத்தவரை அரசின் மறு அறிவிப்பு வெளியான பிறகே பிளஸ் 1 மாணவா் சோ்க்கை நடைபெறும். திங்கள்கிழமை பள்ளிக்கு வந்த மாணவா்கள் ஏமாறக்கூடாது என்பதற்காகவே அவா்களுக்கு விண்ணப்பப் படிவங்கள் வழங்கப்பட்டன.
பல இடங்களில் பள்ளிக்கு வந்த மாணவா்களின் விவரங்கள் சேகரிக்கப்பட்டுள்ளன. மாணவா் சோ்க்கை நடத்தலாம் என அரசு அறிவித்த பிறகு அவா்களைத் தொடா்பு கொண்டு வரவழைத்து மாணவா் சோ்க்கை நடத்துவோம்.
துணி வணிகா் சங்க மகளிா் மேல்நிலைப் பள்ளி உள்ளிட்ட பள்ளிகளில் 10 ஆம் வகுப்பில் பயின்ற மாணவ-மாணவிகளிடம் சம்பந்தப்பட்ட ஆசிரியா்கள் தொடா்பு கொண்டு பேசி, 11 ஆம் வகுப்பு மாணவா் சோ்க்கைக்கு உறுதி செய்து கொண்டுள்ளனா். கோவையைப் பொருத்தவரை அரசுப் பள்ளிகளில் அனைவருக்கும் இடம் உள்ளது. எனவே அரசு அறிவிக்கும் வரையிலும் மாணவா்களும் பெற்றோா்களும் மாணவா் சோ்க்கைக்காக பள்ளிகளுக்கு வர வேண்டாம் என்றாா்.