ரயில்வே நிா்வாகத்தின் அலட்சியத்தால் கொல்கத்தாவில் இருந்து கோவைக்கு ரயிலில் கொண்டுவரப்பட்ட 2 லட்சத்து 17 ஆயிரம் மீன் குஞ்சுகள் உயிரிழந்தன. இதனால் மீன் வியாபாரிக்கு ரூ.1.50 லட்சம் நஷ்டம் ஏற்பட்டுள்ளது.
கோவையைச் சோ்ந்தவா் காசிநாத். மீன் குத்தகைதாரா். இவா் வெளி மாநிலங்களில் இருந்து மீன் குஞ்சுகளை வாங்கி வந்து பொள்ளாச்சி, ஆழியாறு அருகே உள்ள தனது பண்ணையில் வளா்த்து விற்பனை செய்து வருகிறாா்.
கடந்த சில நாள்களுக்கு முன்பு மேற்குவங்க மாநிலம், கொல்கத்தாவில் உள்ள ஒரு நிறுவனத்தில் 4 லட்சம் மீன் குஞ்சுகளுக்கு ஆா்டா் செய்திருந்தாா். அதன்படி, கொல்கத்தாவில் இருந்து விரைவு ரயிலில் 400 பெட்டிகளில் லட்சக்கணக்கான மீன் குஞ்சுகள் வெள்ளிக்கிழமை காலை கோவை ரயில் நிலையத்தை வந்தடைந்தன.
கோவை நிலையத்தில் சில நிமிடங்கள் மட்டுமே ரயில் நின்ால் அனைத்துப் பெட்டிகளும் இறக்கப்படும் முன்பாக ரயில் கேரளம் நோக்கி புறப்பட்டது. இதனால் 400 பெட்டிகளில் 183 மட்டுமே இறக்கப்பட்டு மீதம் 217 பெட்டிகள் ரயிலில் சென்றன.
இது தொடா்பாக, ரயில்வே அதிகாரிகளிடம் காசிநாத் புகாா் தெரிவித்தாா். அப்போது, திருவனந்தபுரத்தில் இருந்து சனிக்கிழமை ரயில் திரும்பி வரும்போது, மீதமுள்ள பெட்டிகளை பெற்றுக் கொள்ளுமாறு அவா்கள் கூறினா்.
அதன்படி கோவைக்கு சனிக்கிழமை காலை திரும்பி வந்த ரயிலில் இருந்து 217 மீன் பெட்டிகளை ஊழியா்கள் இறக்கினா். அவற்றை திறந்து பாா்த்தபோது, உள்ளே இருந்த பிளாஸ்டிக் பைகளில் லட்சக்கணக்கான மீன் குஞ்சுகள் செத்து மிதந்தன. 48 மணி நேரம் மட்டுமே உயிருடன் இருக்கும்படியாக ஆக்ஸிஜன் நிரப்பி அனுப்பப்பட்ட மீன் குஞ்சுகள், கூடுதல் நேரமானதால் உயிரிழந்தது தெரியவந்தது.
இது குறித்து காசிநாத் கூறுகையில், ‘மீன் பெட்டிகளை இறக்குவதற்கு முன்பு ரயில் புறப்பட்டதால், அவை திருவனந்தபுரம் சென்று மீண்டும் கோவைக்கு வந்த பிறகே எங்களுக்கு கிடைக்கப்பெற்றது. காலதாமதத்தால் ஆக்ஸிஜன் பற்றாக்குறையால் 2 லட்சத்து 17 ஆயிரம் மீன் குஞ்சுகள் இறந்துவிட்டன. இதனால் ரூ.1.50 லட்சம் நஷ்டம் ஏற்பட்டுள்ளது’ என்றாா்.