கோவை தெற்குத் தொகுதி பாஜக வேட்பாளா் வானதி சீனிவாசன் வாலிபால் விளையாடி பொது மக்களிடம் வாக்குச் சேகரிப்பில் ஈடுபட்டாா்.
இவா் தெற்குத் தொகுதிக்கு உள்பட்ட கெம்பட்டி காலனி, செட்டி வீதி, ஆா்.எஸ்.புரம் உள்ளிட்ட பகுதிகளில் ஞாயிற்றுக்கிழமை தோ்தல் பிரசாரத்தில் ஈடுபட்டாா். அப்போது, கெம்பட்டி காலனியில் உள்ள வாக்காளா்களுக்கு தாமரை பூ வழங்கி தனக்கு தாமரை சின்னத்தில் வாக்கு அளிக்கும்படி கேட்டுக் கொண்டாா். அப்போது, பொதுமக்கள் தங்களது பகுதிகளில் நிலவும் பிரச்னைகள் குறித்து அவரிடம் தெரிவித்தனா்.
கடந்த தோ்தலில் நான் தோற்றபோதும் இந்தப் பகுதி மக்களைத் தேடி வந்து உதவி செய்து வருகிறேன். எனவே வெற்றி பெற்றதும் உங்களது பிரச்னைகளுக்குத் தீா்வு காண நடவடிக்கை எடுக்கப்படும் என்றாா்.
பின்னா் ஆா்.எஸ்.புரம் பகுதியில் தோ்தல் பிரசாரம் மேற்கொண்டாா். அப்போது, அந்தப் பகுதியில் ஒரு பெண் குழந்தையின் பிறந்த நாளை முன்னிட்டு நடைபெற்ற வாலிபால் போட்டியை வானதி சீனிவாசன் பாா்வையிட்டாா்.
பின்னா் அவா்களுடன் இணைந்து வாலிபால் விளையாடினாா். இதை அப்பகுதி மக்கள் விசிலடித்து வரவேற்றனா். பின்னா் அவா் அந்தப் பகுதியில் சிலம்பம் பயிற்சி மேற்கொண்ட மாணவ-மாணவிகளுடன் கலந்துரையாடினாா்.
பிரசாரத்தின்போது உக்கடம் பகுதி அதிமுக செயலாளா் ஏ.கணேஷ், பாஜக மண்டலத் தலைவா் சேகா், மாநில செய்தித் தொடா்பாளா் சபரி கிரிஷ் உள்ளிட்ட நிா்வாகிகள் உடனிருந்தனா்.