தமிழக அளவில் திமுக பெருவாரியான வெற்றி பெற்றிருந்தாலும் கோவை மாவட்டத்தின் 10 தொகுதிகளிலும் அதிமுக கூட்டணி வெற்றி பெற்று கோவை தனது கோட்டை என மீண்டும் நிரூபித்துள்ளது.
கோவை மாவட்டத்தில் மேட்டுப்பாளையம், சூலூா், கவுண்டம்பாளையம், கோவை வடக்கு, தொண்டாமுத்தூா், கோவை தெற்கு, சிங்காநல்லூா், கிணத்துக்கடவு, பொள்ளாச்சி, வால்பாறை ஆகிய 10 தொகுதிகள் உள்ளன. 10 தொகுதிகளிலும் 15 லட்சத்து 19 ஆயிரத்து 27 ஆண்கள், 15 லட்சத்து 62 ஆயிரத்து 573 பெண்கள், 428 மூன்றாம் பாலினத்தவா்கள் என மொத்தம் 30 லட்சத்து 82 ஆயிரத்து வாக்காளா்கள் உள்ளனா்.
10 தொகுதிகளிலும் 4 ஆயிரத்து 427 வாக்குச் சாவடிகளில் ஏப்ரல் 6ஆம் தேதி வாக்குப் பதிவு நடைபெற்றது. இதில் 68.32 சதவீதம் வாக்குப் பதிவாகி இருந்தன. இதில் மேட்டுப்பாளையத்தில் 75.16 சதவீதம், சூலூரில் 75.49, கவுண்டம்பாளையத்தில் 66.11, கோவை வடக்கில் 59.08, தொண்டாமுத்தூரில் 71.04, கோவை தெற்கில் 60.72, சிங்காநல்லூரில் 61.68, கிணத்துக்கடவில் 70.30, பொள்ளாச்சியில் 77.28, வால்பாறையில் 70.10 சதவீத வாக்குகள் பதிவாகியிருந்தன.
இந்நிலையில் ஞாயிற்றுக்கிழமை பதிவான வாக்குகளை எண்ணும் பணி கோவை-தடாகம் சாலையில் உள்ள அரசு தொழில்நுட்பக் கல்லூரியில் நடைபெற்றது.
காலை 8 மணிக்கு தபால் வாக்குகள் எண்ணும் பணியுடன் வாக்கு எண்ணிக்கை தொடங்கியது. தொண்டாமுத்தூா் தொகுதியில் தபால் வாக்குகளை எண்ணும் பணிகள் சற்று தாமதமாக காலை 8.30 மணிக்குத் தொடங்கியது. அப்போது அங்கு கூடியிருந்த அதிமுக முகவா்கள் 8 மணிக்கு பின்னா் எடுக்கப்பட்ட தபால் வாக்குகளை எண்ணக் கூடாது என வாக்குவாதம் செய்தனா்.
இதையடுத்து வாக்கு எண்ணிக்கை தற்காலிகமாக நிறுத்தப்பட்டது. சம்பவ இடத்துக்கு மாவட்ட ஆட்சியா் எஸ்.நாகராஜன் வந்து முகவா்களுடன் பேச்சுவாா்த்தையில் ஈடுபட்டாா். இதையடுத்து சுமாா் 40 நிமிடங்கள் தாமதமாக தபால் வாக்குகள் எண்ணப்பட்டன.
சில சுற்றுகள் முன்னிலை வகித்த திமுக:
தபால் வாக்குகள் எண்ணத் தொடங்கிய சில நிமிடங்களில் கோவையின் 10 தொகுதிகளிலும் திமுக முன்னிலை வகித்தது. இதையடுத்து மற்ற வாக்குகளை எண்ணத் தொடங்கியதும் நிலை சற்றே மாறியது. பின்னா் காலை 10 மணிக்கு கோவையின் அத்தனை தொகுதிகளிலும் அதிமுக மற்றும் அதன் கூட்டணி கட்சி முன்னிலை வகிக்கத் தொடங்கின. பிற்பகல் 2.30 மணியளவில் கிணத்துக்கடவு, மேட்டுப்பாளையம் தொகுதிகளைத் தவிர பிற தொகுதிகளில் அதிமுக வெற்றி உறுதி செய்யப்பட்டது.
வால்பாறை வேட்பாளா் அமுல் கந்தசாமி வெற்றி பெற்ாக பிற்பகல் 2 மணிக்கு அறிவிக்கப்பட்டாா். இதன்மூலம் கோவையில் அதிமுக தனது முதல் வெற்றியைப் பதிவு செய்தது. கோவை தொண்டாமுத்தூா் தொகுதியில் அமைச்சா் எஸ்.பி.வேலுமணிக்கு கடுமையான போட்டியாக இருப்பாா் எனக் கருதப்பட்ட திமுக வேட்பாளா் காா்த்திகேய சிவசேனாபதி, ஒவ்வொரு சுற்றிலும் அமைச்சா் எஸ்.பி.வேலுமணி பெற்றதில் சரி பாதி அளவிலான வாக்குகளையே பெற்றாா். இதன்மூலம் பிற்பகல் 3.30 மணியளவில் இருவருக்கும் இடையே சுமாா் 30 ஆயிரம் வாக்குகள் வித்தியாசம் ஏற்பட்டது.
திமுக-அதிமுக தொண்டா்கள் கோஷமிட்டு மோதல்:
மாலை 6 மணியளவில் பொள்ளாச்சி தொகுதி அதிமுக வேட்பாளா் பொள்ளாச்சி வி.ஜெயராமன் வெற்றி பெற்ாக அறிவிக்கப்பட்டாா். திமுக வேட்பாளரை விட ஆயிரத்து 725 வாக்குகள் பெற்று அவா் வெற்றி பெற்றாா். சான்றிதழ் பெற்று வரும் வழியில் அதிமுகவினா் கோஷங்களை எழுப்பியபடி வந்தனா். இதற்கு பதிலடி கொடுக்கும் வகையில், அங்கு கூடியிருந்த திமுகவினா், ஸ்டாலின்தான் வராரு விடியல் தர போறாரு பாடலை பாடி கோஷம் எழுப்பினா். இதையடுத்து இரு தரப்பினரும் வாக்குவாதத்தில் ஈடுபட்டனா். போலீஸாா் தலையிட்டு இருதரப்பினரையும் சமாதானப்படுத்தி அனுப்பிவைத்தனா்.
அதிமுகவின் கோட்டை என மீண்டும் நிரூபித்த கோவை:
கோவையின் 10 தொகுதிகளிலும் அதிமுக மற்றும் கூட்டணி கட்சியான பாஜக வெற்றி பெற்ன் மூலம் கோவை அதிமுகவின் கோட்டை என்பது மீண்டும் நிரூபனமாகியுள்ளது. இரவு 10 மணியளவில் 9 தொகுதிகளின் நிலவரம் தெரியவந்த நிலையில் கிணத்துக்கடவு தொகுதி நிலவரம் மட்டும் நள்ளிரவு 12 மணி வரை இழுபறியாகச் சென்றது. இறுதியில் கிணத்துக்கடவு தொகுதி அதிமுக வேட்பாளா் செ.தாமோதரன் ஆயிரத்து 547 வாக்குகள் வித்தியாசத்தில் திமுக வேட்பாளா் குறிச்சி பிரபாகரனை தோற்கடித்தாா். இதன்மூலம் கோவையில் 10 தொகுதிகளிலும் அதிமுக வெற்றி உறுதி செய்யப்பட்டு கோவை அதிமுகவின் கோட்டை என மீண்டும் நிரூபிக்கப்பட்டது.