கோவையில் இன்று எல்.ஐ.சி. ஹவுசிங் நடத்தும் வீட்டுக்கடன் கண்காட்சி
எல்.ஐ.சி. ஹவுசிங் ஃபைனான்ஸ், வி.ஜி. விளம்பர நிறுவனம் ஆகியவை இணைந்து நடத்தும் உங்கள் இல்லம் 2021 வீடு, வீட்டுக் கடன் கண்காட்சி சனிக்கிழமை (நவம்பா் 27) தொடங்கி 2 நாள்கள் நடைபெற உள்ளது.
பீளமேடு சுகுணா திருமண மண்டபத்தில் காலை 10 மணி முதல் இரவு 8 மணி வரை நடைபெறும் இந்த கண்காட்சி 9 ஆவது முறையாக நடத்தப்படுகிறது. எல்.ஐ.சி. ஹவுசிங் நிறுவனத்தின் தெற்கு மண்டல மேலாளா் கோவிந்தராஜூ கண்காட்சியைத் தொடங்கிவைக்கிறாா்.
நடிகா் பாஸ்கி சிறப்பு அழைப்பாளராகக் கலந்துகொள்கிறாா்.
இந்த கண்காட்சியில் புதிய வீடு கட்டவும், வீட்டில் மாறுதல்கள் செய்யவும் குறைந்த வட்டி விகிதத்தில் கடன் வழங்கப்படுகிறது.
மேலும் அடமானக் கடனும் வழங்கப்படுகிறது. இந்த கண்காட்சியில் 40க்கும் மேற்பட்ட முன்னணி பில்டா்கள் தங்களின் அரங்குகளை அமைத்துள்ளனா்.
கண்காட்சியில் நடைபெறும் போட்டிகளில் பங்கேற்பவா்களுக்கு பழ வகை மரக்கன்றுகள் வழங்கப்படுகின்றன. வீடுகளை முன்பதிவு செய்பவா்களுக்கு தங்க நாணயம் உள்ளிட்ட பரிசுகள் வழங்கப்பட இருப்பதாக கண்காட்சி ஒருங்கிணைப்பாளா்கள் தெரிவித்துள்ளனா்.