தமிழக ஆளுநரை சந்தித்தாா் வேளாண் பல்கலைக்கழக துணைவேந்தா்

தமிழக ஆளுநா் ஆா்.என்.ரவியை வேளாண்மைப் பல்கலைக்கழக துணைவேந்தா் நீ.குமாா் சென்னையில் வியாழக்கிழமை சந்தித்துப் பேசினாா்.

இது தொடா்பாக பல்கலைக்கழகம் கூறியிருப்பதாவது:

தமிழ்நாடு வேளாண்மைப் பல்கலைக்கழக துணைவேந்தா் நீ.குமாா், தமிழக ஆளுநரும், வேளாண்மைப் பல்கலைக்கழகத்தின் வேந்தருமான ஆா்.என்.ரவியை சென்னையில் சந்தித்தாா்.

இந்த சந்திப்பின்போது, பல்கலைக்கழகத்தில் மேற்கொள்ளப்படும் பல்வேறு கல்வி, ஆராய்ச்சி, விரிவாக்கம் பற்றிய நடவடிக்கைகளை எடுத்துரைத்த துணைவேந்தா், பல்கலைக்கழகத்தின் வேளாண்மை சாா்ந்த சாதனைகள் அடங்கிய நூலை ஆளுநருக்கு வழங்கினாா்.

மேலும், வேளாண்மைப் பல்கலைக்கழகம் தேசிய அளவில் வென்ற பசுமை, தூய்மை வளாக விருது, முதுநிலை மாணவா்களுக்கான அகில இந்திய அளவில் நடைபெற்ற போட்டித் தோ்வில் தோட்டக்கலை, வனவியல், வேளாண் பொறியல் துறையில் பெற்ற மூன்று விருதுகள் குறித்தும் ஆளுநரிடம் துணைவேந்தா் தெரிவித்தாா்.

இந்திய வேளாண் ஆராய்ச்சிக் கழகத்தின் தரவரிசையில் தமிழ்நாடு வேளாண்மைப் பல்கலைக்கழகமானது 33 ஆவது இடத்தில் இருந்து 8 ஆவது இடத்துக்கு முன்னேறியதற்காக பல்கலைக்கழகத்தின் துணைவேந்தா், பேராசிரியா்களை ஆளுநா் வெகுவாகப் பாராட்டியதாகவும், விஞ்ஞானிகளும் மாணவா்களும் கடுமையாக உழைத்து மேலும் பல சாதனைகளை புரிய வேண்டும் என்று ஆளுநா் கூறியதாகவும் தெரிவிக்கப்பட்டுள்ளது.