கோவை ரயில்கள் பெங்களூரு - சேலம் இடையே ஏப்ரல் 8ஆம் தேதி மாற்றுப்பாதையில் இயக்கப்படுவதாக தெரிவிக்கப்பட்டுள்ளது.
இதுதொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக்குறிப்பு:
ஓமலூா் - மேட்டூா் இடையே ரயில்வே பாதையில் பொறியியல் பணிகள் மேற்கொள்ளப்படுவதால் 3 கோவை ரயில்கள் ஏப்ரல் 8ஆம் தேதி மாற்றுப்பாதையில் இயக்கப்படவுள்ளன.
அதன்படி, பெங்களூரு - எா்ணாகுளம் விரைவு ரயில் (எண்:12677) பெங்களூரு - சேலம் ரயில்நிலையம் இடையே வழக்கமான வழித்தடத்தில் இயங்காமல் மாற்றுப்பாதையான கிருஷ்ணராஜபுரம், பங்காருபேட்டை, குப்பம், மேக்னசைட் ரயில்நிலையம் வழியாக ஏப்ரல் 8ஆம் தேதி இயக்கப்படும். இதனால், ஒசூரு, தருமபுரி நிலையங்களுக்கு செல்வது தவிா்க்கப்படும். அதேபோல, எா்ணாகுளம் - பெங்களூரு விரைவு ரயில் (எண்: 12678) மற்றும் கோவை - லோக்மான்யா திலக் விரைவு ரயில் (எண்: 11014) ஆகிய ரயில்களும் பெங்களூரு - சேலம் ஜங்ஷன் இடையே வழக்கமான வழித்தடத்தில் இயங்காமல் மாற்றுப்பாதையான கிருஷ்ணராஜபுரம், பங்காருபேட்டை, குப்பம், மேக்னசைட் ரயில்நிலையம் வழியாக இயக்கப்படும் எனஅதில் தெரிவிக்கப்பட்டுள்ளது.