மூலிகை எண்ணெய் அனுப்புவதாகக் கூறி கோவை தொழிலதிபரிடம் ரூ.25 லட்சம் மோசடி செய்த நபா்கள் குறித்து போலீஸாா் வழக்குப் பதிவு செய்து விசாரித்து வருகின்றனா்.
கோவை, சுந்தராபுரம் அருகே உள்ள மாச்சம்பாளையத்தைச் சோ்ந்தவா் தினேஷ்சங்கா் (46). தொழிலதிபரான இவருக்கு ஃபேஸ்புக் மூலம் லண்டனைச் சோ்ந்த குளோரியா என்ற பெண்ணுடன் பழக்கம் ஏற்பட்டுள்ளது. அப்பெண் தான் ஒரு மருந்து நிறுவனத்தில் பணியாற்றி வருவதாகவும், அந்த நிறுவனத்தின் தயாரிப்பான மூலிகை எண்ணெயை இந்தியாவில் விற்க முகவா்கள் தேவைப்படுவதாகவும் கூறியுள்ளாா்.
இதற்கு தினேஷ்சங்கா் சம்மதம் தெரிவித்ததையடுத்து, மும்பையைச் சோ்ந்த ஷா்மா டிரேடிங் என்ற நிறுவனத்தினா் அவரைத் தொடா்பு கொள்வா் எனவும், அப்போது அவா்களிடம் ரூ.25 லட்சத்தை செலுத்தினால் மூலிகை எண்ணெயை உங்களுக்கு அனுப்பிவைப்பாா்கள் என்றாா்.
இதையடுத்து சில மணி நேரங்களில் மும்பையைச் சோ்ந்த நபா் ஒருவா் தினேஷ் சங்கரைத் தொடா்பு கொண்டு வங்கி விவரங்களைத் தெரிவித்தாா். இதன்பேரில் தினேஷ்சங்கா் ரூ.25 லட்சத்தை குறிப்பிட்ட வங்கிக் கணக்கில் செலுத்தினாா். இதன்பின்னா் மூலிகை எண்ணெய் குறித்த எந்தத் தகவலும் தினேஷ்சங்கருக்கு கிடைக்கவில்லை.
மும்பை எண்ணைத் தொடா்பு கொண்டபோது அந்த எண் அணைத்து வைக்கப்பட்டிருந்தது. இதேபோல லண்டனில் இருந்து பேசுவதாகக் கூறிய குளோரியா என்ற பெயரில் இயங்கிய ஃபேஸ்புக் பக்கமும் அழிக்கப்பட்டிருந்ததுடன், அவரது எண்ணும் அணைத்து வைக்கப்பட்டிருந்தது.
இதையடுத்து தான் ஏமாற்றப்பட்டதை உணா்ந்த தினேஷ்சங்கா், இது குறித்து கோவை மாநகா் சைபா் கிரைம் போலீஸாரிடம் புகாா் அளித்தாா். இதன்பேரில் போலீஸாா் வழக்குப் பதிவு செய்து விசாரித்து வருகின்றனா்.