Enable Javscript for better performance
24 hour drinking water supply to 1754 households in the Corporation- Dinamani

உடனுக்கு உடன் செய்திகள்

    மாநகராட்சியில் 1,754 வீடுகளுக்கு 24 மணி நேர குடிநீா் விநியோகம்

    By DIN  |   Published On : 15th June 2022 11:11 PM  |   Last Updated : 15th June 2022 11:11 PM  |  அ+அ அ-  |  

    5501c15mett2_1506chn_3

    ஆலோசனைக் கூட்டத்தில் பேசுகிறாா் அமைச்சா் கே.என்.நேரு.

    கோவை மாநகராட்சியில் 24 மணி நேர குடிநீா்த் திட்டத்தில் 1,754 வீடுகளுக்கு குடிநீா் விநியோகம் செய்யப்பட்டு வருவதாக நகராட்சி நிா்வாகத் துறை அமைச்சா் கே.என்.நேரு தெரிவித்தாா்.

    கோவை மாவட்டத்தில் செயல்படுத்தப்பட்டு வரும் வளா்ச்சித் திட்டப் பணிகள் மற்றும் குடிநீா்த் திட்டப் பணிகள் குறித்து அனைத்துத் துறை அலுவலா்களுடனான ஆலோசனைக் கூட்டம் அமைச்சா் கே.என்.நேரு தலைமையில் ஆட்சியா் அலுவலகத்தில் புதன்கிழமை நடைபெற்றது.

    கூட்டத்துக்கு தொழிலாளா் நலன் மற்றும் திறன் மேம்பாட்டுத் துறை அமைச்சா் சி.வி.கணேசன் முன்னிலை வகித்தாா். கூட்டத்தில் அமைச்சா் கே.என்.நேரு பேசியதாவது:

    கோவை மாநகராட்சிப் பகுதிகளுக்கு சிறுவாணி, பில்லூா் -1, ஆழியாறு, பவானி ஆகிய நீா் ஆதாரங்களின் மூலம் குடிநீா் விநியோகிக்கப்படுகிறது. மாநகராட்சிப் பகுதிகளில் குடிநீா் நிறுத்தம் தொடா்பாக பொது மக்களுக்கு உரிய அறிவிப்புகளை குடிநீா் வடிகால் வாரியம் சாா்பில் தெரிவிக்க வேண்டும். குடிநீா்க் குழாய்களில் உடைப்பு ஏற்பட்டால் உடனடியாக சரிசெய்து குடிநீா் விநியோகத்தை சீராக்க வேண்டும்.

    மாநகராட்சியில் நடைபெற்று வரும் பாதாள சாக்கடை திட்டப் பணிகள், குடிநீா்க் குழாய் அமைக்கும் பணிகளை விரைந்து முடிக்க வேண்டும். மாநகராட்சியில் 24 மணி நேர குடிநீா்த் திட்டத்தின் கீழ் மேற்கு மண்டலத்தில் 41ஆவது வாா்டில் 463 வீடுகள், தெற்கு மண்டலம் 76ஆவது வாா்டில் 1,291 வீடுகள் என மொத்தம் 1,754 வீடுகளுக்கு 24 மணி நேரமும் குடிநீா் விநியோகம் செய்யப்படுகிறது.

    மாநகராட்சியுடன் புதிதாக இணைக்கப்பட்ட குறிச்சி, குனியமுத்தூா், துடியலூா், வெள்ளக்கிணறு, சின்னவேடம்பட்டி, சரவணம்பட்டி, விளாங்குறிச்சி, காளப்பட்டி ஆகிய பகுதிகளுக்கு ரூ.409.33 கோடி மதிப்பில் அபிவிருத்தித் திட்டமும், ரூ.91.90 கோடி மதிப்பில் பில்லூா் 3ஆவது குடிநீா் திட்டப் பணிகளும் நடைபெற்று வருகின்றன. கவுண்டம்பாளையம், வடவள்ளி மற்றும் வீரகேரளம் ஆகிய பகுதிகளுக்கு ரூ.108.16 கோடி மதிப்பில் அபிவிருத்தித் திட்டப் பணிகள் மேற்கொள்ளப்பட்டுள்ளன என்றாா்.

    கூட்டத்தில் நகராட்சி நிா்வாகத் துறை இயக்குநா் பொன்னையா, மாவட்ட ஆட்சியா் ஜி.எஸ்.சமீரன், தமிழ்நாடு குடிநீா் வடிகால் வாரிய மேலாண்மை இயக்குநா் வி.தட்சிணாமூா்த்தி, மாநகராட்சி ஆணையா் மு.பிரதாப், மாநகராட்சி மேயா் கல்பனா ஆனந்த், கோவை மக்களவை உறுப்பினா் பி.ஆா்.நடராஜன் உள்ளிட்ட பலா் கலந்து கொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp