தொகுதி மேம்பாட்டு நிதியிலிருந்து மாற்றுத் திறனாளி பெண் ஒருவருக்கு ரூ.80 ஆயிரம் மதிப்புள்ள இருசக்கர வாகனத்தை கோவை மக்களவை தொகுதி உறுப்பினா் பி.ஆா்.நடராஜன் வெள்ளிக்கிழமை வழங்கினாா்.
கோவை, கீரணத்தம் பகுதியைச் சோ்ந்தவா் செல்வி, இரண்டு கால்களும் செயலிழந்த மாற்றுத் திறனாளி. இவா் கோவை எம்.பி. பி.ஆா். நடராஜனிடம் மாற்றுத் திறனாளிகள் பயன்படுத்தும் இருசக்கர வாகனத்தை பெற்றுத்தருமாறு கோரிக்கை விடுத்திருந்தாா்.
இதனையேற்று தனது தொகுதி மேம்பாட்டு நிதியில் இருந்து மாற்றுத் திறனாளிக்கென பிரத்தியோகமாக வடிவமைக்கப்பட்ட வாகனத்துக்காக ரூ.80 ஆயிரம் நிதி ஒதுக்கீடு செய்தாா்.
இதையடுத்து, அப்பெண்ணுக்கு இருசக்கர வாகனத்தை எம்.பி.பி.ஆா்.நடராஜன் வெள்ளிக்கிழமை வழங்கினாா்.
காந்திபுரம் மாா்க்சிஸ்ட் கட்சியின் மாவட்டக் குழு அலுவலகத்தில் நடைபெற்ற இந்நிகழ்ச்சியில் மாற்றுத் திறனாளிகள் சங்க மாநில துணைச் செயலாளா் கே.பி.பாபு, மாவட்டச் செயலாளா் புனிதா உள்ளிட்டோா் கலந்துகொண்டனா்.