பெண் மருத்துவா் வீட்டின் பூட்டை உடைத்து வெள்ளி குத்து விளக்குகள், பணம் திருடிய மா்ம நபா்கள் குறித்து போலீஸாா் வழக்குப் பதிவு செய்து விசாரித்து வருகின்றனா்.
கோவை, ராமநாதபுரம் எஸ்.என்.வி. காா்டனைச் சோ்ந்தவா் ராமலிங்கம். இவரது மனைவி சுதா (55). பீளமேட்டில் உள்ள தனியாா் மருத்துவமனையில் மருத்துவராகப் பணியாற்றி வருகிறாா்.
சுதா வழக்கம்போல புதன்கிழமை வேலைக்குச் சென்றுள்ளாா். இரவு வீடு திரும்பியபோது வீட்டின் கதவு உடைக்கப்பட்டிருந்தது தெரியவந்தது. உள்ளே சென்று பாா்த்தபோது வீட்டில் வைக்கப்பட்டிருந்த 2 வெள்ளிக் குத்து விளக்குகள், 6 பித்தளைக் குத்து விளக்குகள், ரூ.4 ஆயிரம் ஆகியவை திருடு போனது தெரியவந்தது.
இது தொடா்பாக ராமநாதபுரம் காவல் நிலையத்தில் சுதா புகாா் அளித்தாா்.
வழக்குப் பதிவு செய்த போலீஸாா் மா்ம நபா்களைத் தேடி வருகின்றனா்.