ஈரோடு - சேலம் இடையே காவிரி - ஆனங்கூா் ரயில் நிலையங்களுக்கு இடைப்பட்ட பகுதிகளில் ரயில் பாதையை புதுப்பிக்கும் பணிகள் மேற்கொள்ளப்படுவதால் கோவை - சேலம் மெமு ரயில் சேவை ரத்து செய்யப்படுவதாகத் தெரிவிக்கப்பட்டுள்ளது.
இதுதொடா்பாக சேலம் ரயில்வே கோட்ட நிா்வாகம் வெளியிட்டுள்ள செய்திக்குறிப்பு: ரயில்பாதை புதுப்பிக்கும் பணிகளால் கோவை - சேலம் மெமு ரயில் (எண்:06802) ஜூன் 1 முதல் 17ஆம் தேதி வரை முழுவதுமாக ரத்து செய்யப்படுகிறது.
இதேபோல, சேலம் - கோவை மெமு ரயில் (எண்: 06803) ஜூன் 1 முதல் 17ஆம் தேதி வரை முழுவதுமாக ரத்து செய்யப்படுகிறது என அதில் தெரிவிக்கப்பட்டுள்ளது.