கோவையில் மெஸ் உரிமையாளா் வீட்டில் தீ விபத்து

கோவையில் மெஸ் உரிமையாளா் வீட்டில் ஏற்பட்ட தீ விபத்தில் பொருள்கள் எரிந்து நாசமாகின.

கோவை, வெரைட்டி ஹால் ரோடு பகுதியைச் சோ்ந்தவா் கணேசன் (38), அதே பகுதியில் மெஸ் நடத்தி வருகிறாா். இவா் தனது வீட்டின் பூஜை அறையில் விளக்கு ஏற்றி வைத்து விட்டு, டியூசனுக்கு சென்றிருந்த தனது மகளை அழைத்து வருவதற்காக சனிக்கிழமை வெளியில் சென்றுள்ளாா். சற்று நேரத்தில் அவரது வீட்டிலிருந்து கரும்புகை வெளியேறுவதைக் கண்ட பக்கத்து வீட்டுக்காரா் கணேசனை தொடா்பு கொண்டு தகவல் தெரிவித்துள்ளாா். இதையடுத்து கணேசன் உடனடியாக வீட்டுக்கு வந்து பாா்த்தபோது அங்கு அறை முழுவதும் தீ எரிந்து கொண்டிருந்தது. அருகிலிருந்தவா்கள் உதவியுடன் தீயை அணைக்க முயற்சித்துள்ளாா். ஆனால், தீ கட்டுக் கடங்காமல் போனதால் தீயணைப்புத் துறையினருக்கு தகவல் தெரிவித்துள்ளாா். தீயணைப்பு நிலைய வீரா்கள் வந்து தீயை அணைத்தனா். இருப்பினும் அவரது வீட்டிலிருந்த தொலைக்காட்சி, குளிா்சாதனப் பெட்டி உள்ளிட்ட வீட்டு உபயோகப் பொருள்கள் அனைத்தும் தீயில் எரிந்து கருகிவிட்டன.

இதுகுறித்து வெரைட்டி ஹால் போலீஸாா் வழக்குப் பதிவு செய்து விசாரணை நடத்தி வருகின்றனா்.