கடந்த 2011ஆம் ஆண்டில் பணியில் சோ்ந்த காவல் ஆய்வாளா், உதவி ஆய்வாளா்களுக்கு ஓரிரு மாதங்களில் பதவி உயா்வு அளிக்கப்படும் என்று தமிழக காவல் துறைத் தலைவா் சைலேந்திரபாபு தெரிவித்தாா்.
கோவை போத்தனூரில் புதிய காவல் நிலையத்தை வெள்ளிக்கிழமை திறந்துவைத்த பின்னா் அவா் செய்தியாளா்களிடம் கூறியதாவது:
தமிழகத்தில் 202 மகளிா் காவல் நிலையங்களுடன் மொத்தம் 1,352 காவல் நிலையங்கள் இருந்தன. இந்த நிலையில், ஒவ்வொரு காவல் உட்கோட்டத்திலும் ஒரு மகளிா் காவல் நிலையம் அமைக்க முதல்வா் அனுமதி அளித்ததன்பேரில் அது தற்போது 1,574 காவல் நிலையங்களாக அதிகரித்துள்ளது.
கோவை காா் வெடிப்பு சம்பவத்துக்குப் பிறகு கோவை மாநகர காவல் துறைக்கு வலு சோ்ப்பதோடு, விரிவாக்கம் செய்ய வேண்டும் என முதல்வா் அறிவுறுத்தியதன்பேரில் சட்டம்- ஒழுங்கு பிரச்னைகள் வரும் பகுதிகளில் புதிதாக 3 காவல் நிலையங்கள் திறக்கப்பட்டுள்ளன. அதேபோல, வடவள்ளி, துடியலூா் காவல் நிலையங்களும் மாநகர காவல் துறையோடு இணைக்கப்படுவதன் மூலம் கோவை மாநகரில் உள்ள 15 காவல் நிலையங்கள் 20 காவல் நிலையங்களாக அதிகரிக்கும்.
இணையவழி குற்றங்கள் தொடா்பாக 1930 என்ற எண்ணில் புகாா் அளிக்கலாம். மக்கள் சைபா் குற்றங்களில்தான் எளிதில் ஏமாறுகின்றனா். கைப்பேசி உள்ளவா்களிடம் இந்தியாவில் வேறு மாநிலங்களில் இருந்தும், இந்தியாவிற்கு வெளியே இருந்தும் ஏமாற்றலாம். தற்போது அதிக வட்டி தருவதாகக் கூறி முதலீடு செய்யவைத்து ஏமாற்றும் நபா்கள் அதிகரித்துள்ளனா்.
பணத்தை ஏமாந்த நபா்கள் 24 மணி நேரத்துக்குள் புகாா் அளித்தால், மற்றொரு வங்கிக் கணக்கிற்கு பணம் செல்வதை தடுக்க முடியும். ஆனால், அமெரிக்கா, நைஜீரியா போன்ற நாடுகளில் இருந்தும் மோசடி கும்பல்கள் இந்தியாவில் உள்ளவா்களை ஏமாற்றி வருவதால், அவா்களைப் பிடிக்க சா்வதேச போலீஸ் உதவி தேவைப்படுகிறது. வெளிநாட்டு குற்றவாளிகளை பிடிப்பது சவாலானது.
தமிழகத்தில் அனைத்து மாநகரிலும் சைபா் கிரைம் காவல் நிலையங்கள் உள்ளன. பெண்கள் பாதுகாப்புக்கு காவல் துறையில் பல்வேறு வசதிகள் உள்ளன. அதேபோல, காவல் உதவி என்ற செயலியும், பயனுள்ள செயலியாக உள்ளது. ஆனால் இந்த செயலியை பெரும்பாலானோா் பதிவிறக்கம் செய்யவில்லை.
2011ஆம் ஆண்டில் பணியில் சோ்ந்த காவல் ஆய்வாளா்கள் மற்றும் உதவி ஆய்வாளா்கள் 130 பேருக்கு ஓரிரு மாதங்களில் பதவி உயா்வு வழங்கப்படும். கரோனா தொற்று காலத்தில் பணி ஓய்வு பெறும் வயது அதிகரிக்கப்பட்டதால், கடந்த 4 ஆண்டுகளாக காவலா்களுக்கு பணி ஓய்வு வழங்கப்படவில்லை.
இருப்பினும் காலிப் பணியிடங்கள் அதிகரிக்கும்போது, அனைவருக்கும் பதவி உயா்வு வழங்கப்படும். கரூரில் வருமான வரித் துறை அதிகாரிகளின் வாகனம் சேதப்படுத்தப்பட்டது குறித்து மாவட்ட காவல் கண்காணிப்பாளா் விளக்கமளித்துள்ளாா் என்றாா்.