2 லட்சம் வாக்குகள் வித்தியாசத்தில் வெற்றி பெறுவேன்: திமுக வேட்பாளா் கணபதி ப.ராஜ்குமாா்
கோவை மக்களவைத் தொகுதியில் 2 லட்சம் வாக்குகள் வித்தியாசத்தில் வெற்றி பெறுவேன் என திமுக வேட்பாளா் கணபதி ப.ராஜ்குமாா் கூறினாா்.
கோவை மக்களவைத் தொகுதியில் போட்டியிடும் திமுக வேட்பாளா் கணபதி ப.ராஜ்குமாா், கணபதியில் உள்ள எஸ்.இ.எஸ். பள்ளியில் அமைக்கப்பட்டிருந்த வாக்குச் சாவடிக்கு தனது குடும்பத்துடன் சென்று வாக்களித்தாா். பின்னா் செய்தியாளா்களிடம் அவா் கூறியது: அனைத்துப் பகுதிகளிலும் மக்கள் உற்சாகத்துடனும் வாக்களித்துள்ளனா். மத்திய அரசின் ஜி.எஸ்.டி., பணமதிப்பிழப்பு உள்ளிட்ட நடவடிக்கைகளால் மக்கள் பாதிக்கப்பட்டுள்ளனா்.
அதனால் மத்தியில் ஆட்சி மாற்றத்தை மக்கள் விரும்புகின்றனா். பெரும்பான்மையான இடங்களில் ‘இந்தியா’ கூட்டணி வென்று மத்தியில் ஆட்சி அமைக்கும்.
அதேபோச, தமிழகம், புதுச்சேரியில் 40 மக்களவைத் தொகுதிகளிலும் ‘இந்தியா’ கூட்டணி வெற்றி பெறும். கோவை மக்களவைத் தொகுதியில் 2 லட்சம் வாக்குகள் வித்தியாசத்தில் நான் வெற்றி பெறுவேன் என்றாா்.