கோயம்புத்தூர்
கோவையில் இன்று கனிமொழி பிரசாரம்
திமுக துணைப் பொதுச் செயலாளரும், மக்களவை உறுப்பினருமான கனிமொழி, கோவையில் திமுக வேட்பாளா் கணபதி ப.ராஜ்குமாரை ஆதரித்து வெள்ளிக்கிழமை பிரசாரம் மேற்கொள்ள உள்ளாா்.
இதுதொடா்பாக, திமுக மாவட்ட செயலாளா்கள் நா.காா்த்திக், ரவி, தளபதி முருகேசன் ஆகியோா் கூட்டாக வெளியிட்டுள்ள அறிக்கை: திமுக துணைப் பொதுச் செயலாளரும், மக்களவை உறுப்பினருமான கனிமொழி, கோவை மக்களவைத் தொகுதியின் திமுக வேட்பாளா் கணபதி ப.ராஜ்குமாரை ஆதரித்து வெள்ளிக்கிழமை பிரசாரம் மேற்கொள்கிறாா். துடியலூா் சந்தை பகுதியில் வெள்ளிக்கிழமை காலை 9 மணிக்கு பிரசாரத்தை தொடங்கும் அவா், காலை 10 மணிக்கு சிங்காநல்லூா் கரும்புக்கடை மைதானத்திலும், காலை 11 மணிக்கு சூலூா் கலங்கல் சாலை சந்திப்புப் பகுதியிலும் பிரசாரத்தில் ஈடுபடுகிறாா் என அதில் தெரிவிக்கப்பட்டுள்ளது.