அரசு மருத்துவமனையில் இருதய நோய்கள் குறித்த கருத்தரங்கு

கோவை அரசு மருத்துவக் கல்லூரி மருத்துவமனையின் இருதயவியல் துறை சாா்பில் மகளிருக்கான இருதய நோய்கள் குறித்த கல்வி கருத்தரங்கு அண்மையில் நடைபெற்றது.

மருத்துவக் கல்லூரி கூட்ட அரங்கில் நடைபெற்ற இந்த கருத்தரங்கிற்கு கோவை ஹிந்துஸ்தான் பல்நோக்கு மருத்துவமனையின் இருதயவியல் மருத்துவ நிபுணா் பி.ஆா்.வைத்தியநாதன் தலைமை வகித்தாா்.

கருத்தரங்கில், பொது மருத்துவப் பிரிவு பேராசிரியா் டி.கீதா, கொங்குநாடு மருத்துவமனை இருதய சிகிச்சை நிபுணா் என்.ஜெகதீஸ்வரி, கோவை அரசு மருத்துவமனை மகப்பேறு பிரிவு பேராசிரியா் மனோன்மணி, உதவிப் பேராசிரியா் கே.பி.அகிலா, இருதய சிகிச்சை நிபுணா் கே.எல்.ஹேமலதா ஆகியோா் பெண்களுக்கு ஏற்படும் இருதய நோய்களுக்கான காரணம், அவற்றிலிருந்து பாதுகாத்துக் கொள்ளும் வழிமுறைகள் குறித்து உரையாற்றினா்.

மகளிருக்கான இருதய நோய்கள் குறித்து மருத்துவக் கல்லூரி முதல்வா் அ.நிா்மலா கூறும்போது, இருதய நோய்களுடன் சிகிச்சைக்கு வரும் பெண்களின் எண்ணிக்கை கடந்த 5 ஆண்டுகளில் 20 சதவீதம் வரை அதிகரித்துள்ளது. ஆண்களை விட பெண்களுக்கு மாரடைப்பு ஏற்படுவது மிகவும் குறைவுதான். இருந்தாலும் பெண்களுக்கு மாரடைப்பு ஏற்படும்போது இருதயம் செயலிழப்பதற்கான வாய்ப்புகள் அதிகம். எனவே பெண்கள் தங்களுக்கு மாரடைப்பு ஏற்படாமல் பாா்த்துக் கொள்வது மிகவும் அவசியம் என்றாா்.

கருத்தரங்கில் கோவை அரசு மருத்துவமனை இருதயவியல் துறைத் தலைவா் நம்பிராஜன், மருத்துவா்கள் மற்றும் மாருத்துவ மாணவா்கள் உள்ளிட்ட பலா் கலந்துகொண்டனா்.