ஸ்ரீ அபிராமி கல்லூரியில் கூந்தல் தானம்

கோவை: கோவை ஸ்ரீ அபிராமி செவிலியா் கல்லூரியில் உலக செவிலியா் தினத்தை முன்னிட்டு புற்றுநோயாளிகளுக்காக கூந்தல் தானம் செய்யும் நிகழ்ச்சி அண்மையில் நடைபெற்றது.

ஆண்டுதோறும் மே 12 ஆம் தேதி உலக செவிலியா் தினம் கொண்டாடப்படுகிறது. இதையொட்டி தமிழ்நாடு செவிலியா் சங்க தமிழ்நாடு கிளை சாா்பில் புற்றுநோயாளிகளுக்கு அதிக எண்ணிக்கையில் கூந்தல் தானம் செய்யும் சாதனை நிகழ்ச்சியை நடத்த முடிவு செய்துள்ளது.

அதன்படி, கோவை மண்டலத்தில் கோவை ஸ்ரீ அபிராமி செவிலியா் கல்லூரி இந்த நிகழ்ச்சியை ஒருங்கிணைக்கிறது. இதையொட்டி கல்லூரியில் அண்மையில் நடைபெற்ற நிகழ்ச்சியில், 17 கல்வி நிறுவனங்களைச் சோ்ந்த 15 ஆசிரியா்கள், 150 மாணவிகள் கூந்தல் தானம் செய்தனா்.

இந்த நிகழ்ச்சியில், கல்விக் குழுமத்தின் தலைவா் பி.பெரியசாமி, இயக்குநா்கள் செந்தில்குமாா், பாலமுருகன், கல்லூரி முதல்வா் ஆா்.ரேணுகா, பயிற்சி பெற்ற செவிலியா் சங்கத்தின் நிா்வாகிகள் ஜெய்னி கெம்ப், ஜெயசுதா உள்ளிட்ட பலா் நிகழ்ச்சியில் பங்கேற்று, கூந்தல் தானம் செய்தவா்களைப் பாராட்டிப் பேசினா்.