ஈரோடு மாவட்டம், கோபி வட்டம் பாரியூரில் அமைந்துள்ள அருள்மிகு கொண்டத்துக்காளியம்மன் திருக்கோயிலில் உண்டியல் காணிக்கையாக ரூ.17.25 லட்சம் வரப்பெற்றது.
பாரியூர் கொண்டத்துக்காளியம்மன் வகையறா கோயில்களில் உண்டியல் காணிக்கை எண்ணும் வியாழக்கிழமை நடைபெற்றது.
குண்டம் தேர்த் திருவிழா சமயத்தில் வைத்திருந்த 4 தற்காலிக உண்டியல்கள் மற்றும் 10 நிரந்தர உண்டியல்கள் என 14 உண்டியல்கள் திறக்கப்பட்டு எண்ணப்பட்டன.
இதில் ரூ.17.25 லட்சம் ரொக்கம், தங்கம் 144 கிராம், வெள்ளி 117 கிராம், அமெரிக்க டாலர் 3 நோட்டுகள், மலேசியா நோட்டுகள் 2, சிங்கப்பூர் டாலர் ஒன்று ஆகியவற்றை காணிக்கையாக பக்தர்கள் செலுத்தியிருந்தனர்.
காணிக்கை எண்ணும் பணியில் தனியார் பள்ளி, கல்லூரி மாணவர்கள், நுகர்வோர் பாதுகாப்பு அமைப்பினர் ஈடுபட்டனர்.