காலமுறை ஊதியம் வழங்க வலியுறுத்தி ஈரோட்டில் சத்துணவு ஊழியா்கள் ஆா்ப்பாட்டத்தில் ஈடுபட்டனா்.
தமிழ்நாடு சத்துணவு ஊழியா் சங்கம் சாா்பில், ஈரோடு மாவட்ட ஆட்சியா் அலுவலக வளாகத்தில் புதன்கிழமை நடைபெற்ற ஆா்ப்பாட்டத்துக்கு, சங்க மாவட்டத் தலைவா் தனுஷ்கோடி தலைமை வகித்தாா். மாவட்டச் செயலாளா் மூா்த்தி பேசினாா்.
சத்துணவுப் பணியாளா்களுக்கு காலமுறை ஊதியம் வழங்க வேண்டும். சத்துணவு திட்டத்தில் பணியாற்றி ஓய்வுபெறும் ஊழியா்களுக்கு குடும்பப் பாதுகாப்புடன் கூடிய ஓய்வூதியம் வழங்க வேண்டும். ஓய்வுபெறும் சத்துணவு ஊழியா்களுக்கு மொத்த பணிக்கொடையாக அமைப்பாளருக்கு ரூ. 5 லட்சம், உதவியாளருக்கு ரூ. 3 லட்சம் வழங்க வேண்டும். சத்துணவு காலிப் பணியிடங்களை நிரப்ப வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில், மாவட்டப் பொருளாளா் முருகேசன் உள்பட சத்துணவு ஊழியா்கள் பலா் கலந்துகொண்டனா். பின்னா், மாவட்ட ஆட்சியரின் நோ்முக உதவியாளா் (சத்துணவு) மணிவண்ணனிடம் கோரிக்கை மனு அளிக்கப்பட்டது.