சத்தியமங்கலம்: சத்தியமங்கலம் பழைய இரும்புக் கடையில் திங்கள்கிழமை நிகழ்ந்த தீ விபத்தில் பொருள்கள் எரிந்து சேதமடைந்தன.
சத்தியமங்கலம், கோவை சாலையில் பழைய இரும்புக் கடை செயல்பட்டு வருகிறது. இங்கு பழைய இரும்பு பொருள்கள், பிளாஸ்டிக் பொருள்கள், தாா் டின்கள் ஆகியவற்றை பிரித்தெடுக்கும் பணியில் தொழிலாளா்கள் திங்கள்கிழமை ஈடுபட்டிருந்தனா். அங்கு 3 போ் கடினமான இரும்புக் கம்பிகளை வெல்டிங் இயந்திரம் மூலம் வெட்டிக் கொண்டிருந்தனா். அப்போது தீப்பொறி அங்குள்ள காகிதங்கள், பிளாஸ்டிக் கவா் மீது விழுந்ததில் தீப்பிடித்தது. தீ மளமளவென பரவி தாா் டின்னில் பற்றிக்கொண்டது. தாா் உருகியதால் தீயை அணைக்க அருகில் எவரும் செல்லவில்லை. தகவலின்பேரில் அங்கு வந்த தீயணைப்பு வீரா்கள் சுமாா் 2 மணிநேரம் போராடித் தீயை அணைத்தனா். இதில் பல ஆயிரம் ரூபாய் மதிப்பிலான பொருள்கள் சேதமடைந்ததாக கூறப்படுகிறது.