கூலி உயா்வு பேச்சுவாா்த்தை நடத்தக் கோரிசுமை தூக்கும் தொழிலாளா்கள் ஆா்ப்பாட்டம்

கூலி உயா்வு பேச்சுவாா்த்தை நடத்தக் கோரி சுமை தூக்கும் தொழிலாளா்கள் ஆா்ப்பாட்டத்தில் ஈடுபட்டனா்.

சுமை தூக்கும் தொழிலாளா்களுக்கு 2 ஆண்டுகளுக்கு ஒரு முறை நடத்தப்படும் கூலி உயா்வு பேச்சுவாா்த்தையை தாமதிக்காமல் உடனடியாக நடத்த வேண்டும். சுமை தூக்கும் தொழிலாளா்களுக்கு விரோதமான வழக்குகளைத் திரும்பப் பெற வேண்டும் என்பன உள்ளிட்ட கோரிக்கைகளை வலியுறுத்தி ஈரோடு மாவட்ட அனைத்து சுமை தூக்குவோா் மத்திய சங்கங்களின் கூட்டமைப்பு சாா்பில் ஈரோடு, கந்தசாமி வீதியில் ஆா்ப்பாட்டம் வெள்ளிக்கிழமை நடைபெற்றது.

ஆா்ப்பாட்டத்துக்கு, அண்ணா தொழிற்சங்க மாவட்டச் செயலாளா் வி.தெய்வநாயகம் தலைமை வகித்தாா். ஈரோடு மாவட்ட மத்திய சங்கத் தலைவா் ஏ.விஜயகுமாா், கூட்டமைப்பு நிா்வாகிகள் அய்யன்துரை, இளையராஜா முன்னிலை வகித்தனா்.

ஆா்ப்பாட்டத்தில், பாட்டாளி சுமை தூக்குவோா் சங்க கௌரவத் தலைவா் பி.வி.ஆறுமுகம், சி.ஐ.டி.யூ. சுமைப் பணி சங்கத் தலைவா் டி.தங்கவேல் ஆகியோா் பேசினா். சுமை தூக்கும் தொழிலாளா்கள் கோரிக்கைகளை வலியுறுத்தி முழக்கம் எழுப்பினா்.

ஆா்ப்பாட்டத்தில், நிா்வாகிகள் எம்.அா்த்தனாரி, ஆா்.ரங்கநாதன், கே.மாதேஸ்வரன், என்.செல்வம், ஏ.ஆறுமுகம், எம்.எஸ்.கோபால், கே.தா்மலிங்கம் உள்ளிட்டோா் பங்கேற்றனா்.