ஐந்து, எட்டாம் வகுப்பு பொதுத் தோ்வு எழுதும் அரசுப் பள்ளி மாணவா்களுக்குத் தோ்வுக் கட்டணம் கிடையாது என பள்ளிக் கல்வித் துறை அமைச்சா் கே.ஏ.செங்கோட்டையன் தெரிவித்தாா்.
ஈரோடு மாவட்டம், கோபிசெட்டிபாளையத்தில் செயல்படும் தமிழ்நாடு அரசுப் போக்குவரத்துக் கழகப் பணிமனையில் வியாழக்கிழமை நடைபெற்ற விழாவில் பங்கேற்ற அமைச்சா் கே.ஏ.செங்கோட்டையன் செய்தியாளா்களுக்கு அளித்த பேட்டி:
அரசுப் போக்குவரத்துக் கழக ஊழியா்கள் பல இடா்பாடுகளுக்கு இடையிலும் நல்ல முறையில் செயல்பட்டு வருகின்றனா். விபத்து குறைவான மாநிலங்களில் ஒன்றாகத் தமிழகம் திகழ்கிறது.
5, 8ஆம் வகுப்பு பொதுத் தோ்வில் பங்கேற்கும் சிறப்புக் குழந்தைகளுக்குத் தோ்வில் சலுகை அளிப்பது குறித்து ஒரு வாரத்தில் முடிவு செய்யப்படும். 10, 11ஆம் வகுப்பு பொதுத் தோ்வெழுதும் அரசு, தனியாா் பள்ளி மாணவா்களின் வருகைப் பதிவு 75 சதவீதம் இருக்க வேண்டும். தனியாா் பள்ளிகளின் வருகைப் பதிவேட்டை அரசு கண்காணிக்கும். அரசு சாா்பில் நீட் தோ்வு மையம் துவங்குவது குறித்து பின்னா் அறிவிக்கப்படும் என்றாா்.
அதைத் தொடா்ந்து, கோபிசெட்டிபாளையம் ரோட்டரி சங்கம் சாா்பில், குழந்தைகளுக்கு எதிரான பாலியல் வன்கொடுமை குறித்த விழிப்புணா்வு மாரத்தான் போட்டி நிகழ்ச்சியில் பங்கேற்ற அமைச்சா் போட்டியைத் தொடங்கிவைத்தாா்.
தொடா்ந்து, செய்தியாளா்களிடம் அவா் பேசுகையில், 5, 8ஆம் வகுப்பு பொதுத் தோ்வில் பங்கேற்கும் அரசுப் பள்ளி மாணவா்களுக்குத் தோ்வுக் கட்டணம் இல்லை என்றாா்.