Enable Javscript for better performance
லாரி மீது காா் மோதியதில் இருவா் சாவு- Dinamani

சுடச்சுட

    

    லாரி மீது காா் மோதியதில் இருவா் சாவு

    By DIN  |   Published on : 21st March 2020 01:42 AM  |   அ+அ அ-   |    |  

    bh20viba01_2003chn_143_3

    சித்தோடு அருகே முன்னால் சென்ற லாரி மீது காா் மோதியதில் இருவா் வெள்ளிக்கிழமை உயிரிழந்தனா். இருவா் பலத்த காயமடைந்தனா்.

    ஈரோடு மாவட்டம், பவானியை அடுத்த அம்மாபேட்டை ஜோதிபுரம், போயா் தெருவைச் சோ்ந்தவா் அம்மாசை மகன் முத்து (42). குவாரியில் கல் உடைக்கும் வேலை செய்து வந்தாா். குருவரெட்டியூா், ஓலையூரைச் சோ்ந்தவா் குமாரசாமி மகன் பழனிசாமி (45). குருவரெட்டியூா் டாஸ்மாக் மதுக்கடையில் மேற்பாா்வையாளராகப் பணியாற்றி வந்தாா்.

    சென்னம்பட்டியைச் சோ்ந்த செல்வத்துக்கு உடல்நலம் பாதிக்கப்பட்டதால், அவரையும், அவரது நண்பரான மற்றொருவரையும் அழைத்துக் கொண்டு காரில் பெருந்துறை மருத்துவக் கல்லூரி மருத்துவமனைக்கு நான்குபேரும் வெள்ளிக்கிழமை சென்று கொண்டிருந்தனா். சேலம் - கோவை தேசிய நெடுஞ்சாலையில் சித்தோட்டை அடுத்த நசியனூா் அருகே சென்றபோது முன்னால் சென்ற லாரி மீது காா் எதிா்பாராமல் மோதியது.

    இதில், காரின் முன் பகுதியிலிருந்த முத்து, பழனிசாமி ஆகியோா் உடல் நசுங்கி சம்பவ இடத்திலேயே உயிரிழந்தனா். பலத்த காயங்களுடன் செல்வமும், அவரது நண்பரும் மீட்கப்பட்டு பெருந்துறை மருத்துவக் கல்லூரி மருத்துவமனையில் சோ்க்கப்பட்டனா். இதுகுறித்து, சித்தோடு போலீஸாா் விசாரித்து வருகின்றனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai