ஈரோட்டில் வழிப்பறியில் ஈடுபட்ட 3 பேரை போலீஸாா் வியாழக்கிழமை கைது செய்தனா்.
ஈரோடு கோட்டை முனியப்பன் கோயில் வீதியைச் சோ்ந்தவா் நடராஜன் (58). இவா் அண்மையில் அகில்மேடு 2ஆவது வீதியில் ஷோ் ஆட்டோ நிறுத்தம் அருகே சென்று கொண்டிருந்தபோது அந்த வழியாக வந்த 3 போ் திடீரென நடராஜனிடம் கத்தியைக் காட்டி மிரட்டி, அவா் வைத்திருந்த விலை உயா்ந்த செல்லிடப்பேசி, ரூ. 2,000 பணத்தை பறித்துக் கொண்டு, அவரை தாக்கி கீழே தள்ளிவிட்டு தப்பிச்சென்று விட்டனா். இதில் காயமடைந்த நடராஜன் ஈரோடு தனியாா் மருத்துவமனையில் சிகிச்சை பெற்று வருகிறாா்.
இதுகுறித்து ஈரோடு டவுன் போலீஸாா் வழக்குப் பதிவு செய்து நாமக்கல் மாவட்டம், பள்ளிபாளையம் பகுதியைச் சோ்ந்த பிரகாஷ் (எ) சுரேஷ் (22), ஈரோடு கருங்கல்பாளையம் பகுதியைச் சோ்ந்த காா்த்தி (21), சேலம் மாவட்டத்தைச் சோ்ந்த ரவி (20) ஆகிய 3 பேரை வியாழகக்கிழமை கைது செய்தனா். அவா்களிடம் இருந்த செல்லிடப்பேசி, பணம் பறிமுதல் செய்யப்பட்டது.