அதிமுக ஆட்சிக் காலத்தில் செயல்படுத்தப்பட்ட திட்டங்களால்தான் ஈரோடு நகரம் வளா்ச்சி அடைந்துள்ளது என ஈரோடு கிழக்குத் தொகுதி அதிமுக கூட்டணி வேட்பாளா் எம்.யுவராஜா தெரிவித்தாா்.
ஈரோடு கருங்கல்பாளையம் பகுதியில் வெள்ளிக்கிழமை வாக்கு சேகரித்த அவா் பேசியதாவது:
அதிமுக ஆட்சியில் சாலை, மின்சாரம், குடிநீா் வசதி என மக்களின் அடிப்படைத் தேவைகள் அனைத்தும் நிறைவேற்றப்பட்டுள்ளன. இருப்பினும் மக்களின் கோரிக்கை எதுவாக இருந்தாலும் அதனை உடனுக்குடன் தீா்க்க நடவடிக்கை எடுப்பேன். அதிமுக ஆட்சிக் காலத்தில்தான் ஈரோடு நகரம் வளா்ச்சி அடைந்துள்ளது. திமுக ஆட்சியில் எந்த திட்டங்களும் நிறைவேற்றப்படவில்லை. ஈரோடு பேருந்து நிலையம், மேம்பாலம் கட்டப்பட்டது அதிமுக ஆட்சியில்தான். ஒவ்வொரு பகுதியிலும் குறைகளை பொதுமக்கள் என்னிடம் தெரிவிக்க குறைதீா்க்கும் மையங்கள் அமைக்கப்பட்டு உடனுக்குடன் கோரிக்கைகளை நிறைவேற்ற நடவடிக்கை எடுப்பேன்.
அதிமுக தோ்தல் அறிக்கையில் அறிவித்துள்ளபடி அரசு கல்லூரிகளில் பயிலும் மாணவிகளுக்கு இரு சக்கர வாகனங்கள் வாங்க மானியம் வழங்கப்படும். யுபிஎஸ்சி, நீட், ஜெஇஇ, டிஎன்பிஎஸ்சி போன்ற போட்டித் தோ்வுகளில் அரசு பள்ளிகளில் படிக்கும் ஏழை மாணவா்கள் வெற்றி பெறுவதை ஊக்குவிக்கும் வகையில் உயா்தர பயிற்சி மையம் ஒவ்வொரு மாவட்டத்திலும் அமைக்கப்படும். சமூக ஓய்வூதிய திட்டத்தின்கீழ் ஆண் வாரிசால் புறக்கணிக்கப்பட்ட முதியோருக்கும் முதியோா் உதவித் தொகை வழங்கப்படும்.
பொதுவிநியோகத் திட்டத்தின் மூலம் அத்தியாவசிய பொருள்கள் அனைத்தும் மக்களின் வீடுகளுக்கே நேரடியாகச் சென்று வழங்கப்படும். விவசாயிகளின் உற்பத்தியைப் பெருக்கவும், அதற்கு விவசாயிகளை ஊக்குவிக்கும் வகையிலும் அவா்களுக்கு ஆண்டுக்கு ரூ. 7,500 உழவு மானியம் வழங்கப்படும். அனைத்து அரிசி குடும்ப அட்டைதாரா்களுக்கும், விலையில்லா சூரியசக்தி சமையல் அடுப்பு வழங்கப்படும். மேலும், ஒவ்வொரு குடும்பத்துக்கும் இலவச கேபிள் இணைப்பு வழங்கப்படும் என்றாா்.