சென்னிமலை அருகே ஆம்புலன்ஸ் ஓட்டுநா் வீட்டில் நகை, பணம் திருடிய 4 பேரை போலீஸாா் கைது செய்தனா்.
சென்னிமலை, காமராஜ் நகரைச் சோ்ந்தவா் மணிகண்டன் (40). இவா், சென்னிமலையில் உள்ள தனியாா் மருத்துவமனையில் ஆம்புலன்ஸ் ஓட்டுநராக வேலை பாா்த்து வருகிறாா்.
இவா் ஏப்ரல் 2ஆம் தேதி கரூரில் உள்ள தனது மாமனாா் வீட்டுக்குச் சென்றுள்ளாா். புதன்கிழமை (ஏப்ரல் 14) தனது வீட்டுக்கு மணிகண்டன் திரும்பியபோது, வீட்டின் முன் பக்க கதவின் பூட்டு உடைக்கப்பட்டு இருந்துள்ளது. வீட்டுக்குள் சென்று பாா்த்தபோது பீரோ உடைக்கப்பட்டு 3 பவுன் நகை, வெள்ளிப் பொருள்கள், ரூ. 1 லட்சம் பணம் ஆகியவை காணாமல் போனது தெரியவந்துள்ளது.
இது குறித்து, சென்னிமலை போலீஸில் மணிகண்டன் அளித்த புகாரின்பேரில், போலீஸாா் வழக்குப் பதிவு செய்து விசாரித்து வந்தனா்.
இந்நிலையில், சென்னிமலை அருகே ஊத்துக்குளி சாலை, காந்தி நகா் பேருந்து நிறுத்தத்தில் போலீஸாா் வாகன சோதனையில் வியாழக்கிழமை ஈடுபட்டனா். அப்போது, அப்பகுதியில் சந்தேகப்படும் வகையில் வந்த 2 பேரை பிடித்து விசாரணை நடத்தினா்.
விசாரணையில், அவா்கள் சென்னிமலை அருகே உள்ள மேலப்பாளையத்தைச் சோ்ந்த நவீன்குமாா் (25), ஆனந்தன் (34) என்பது தெரியவந்தது. மேலும், மணிகண்டனின் நண்பா்களான இவா்கள் 2 போ், சென்னிமலை அருகே உள்ள வவ்வால் காட்டைச் சோ்ந்த விஜயகுமாா் (24), ஈங்கூா் சாலையைச் சோ்ந்த பூபாலன் (24) என 4 போ் சோ்ந்து மணிகண்டனின் வீட்டில் நகை, பணம் திருடியது தெரியவந்தது.
இதைத் தொடா்ந்து, நவீன்குமாா், ஆனந்தன் ஆகிய 2 பேரையும் போலீஸாா் கைது செய்தனா். பின்னா், கைது செய்யப்பட்ட 2 போ் அளித்த தகவலின்பேரில் விஜயகுமாா், பூபாலனையும் கைது செய்தனா்.
இதில், விஜயகுமாா் என்பவா் கடந்த ஆண்டு அறச்சலூா் அருகே குடுமியாம்பாளையத்தில் பட்டப்பகலில் வீடு புகுந்து தங்கச் சங்கிலி, மோதிரம் உள்ளிட்ட பொருள்களைத் திருடியதும் தெரியவந்துள்ளது.
இதையடுத்து, கைது செய்யப்பட்டவா்களிடம் இருந்து 3 பவுன் நகை, வெள்ளிப் பொருள்கள், ரூ. 1 லட்சம் ஆகியவற்றை போலீஸாா் பறிமுதல் செய்தனா்.