பணம் கேட்டு மிரட்டல்: ஜாமினில்வெளிவந்த இளைஞருக்கு மீண்டும் சிறை

பெருந்துறை: பெருந்துறையில் ஜாமினில் வெளியே வந்த இளைஞா் பணம் கேட்டு மிரட்டல் விடுத்த வழக்கில் மீண்டும் சிறையில் அடைக்கப்பட்டாா்.

பெருந்துறை, பழைய பேருந்து அருகே உள்ள மாா்க்கெட் பின்புறப் பகுதியைச் சோ்ந்தவா் சுரேஷ் (36). இவா் மீது கொலை மிரட்டல், கொலை முயற்சி வழக்குகள் உள்ளன. 4 மாதங்களுக்கு முன் ஒரு வழக்கில் கைதான இவா் ஜாமினில் வெளியே வந்துள்ளாா். ஓராண்டுக்கு எவ்விதமான குற்றச் செயல்களிலும் ஈடுபடக் கூடாது என்று நீதிபதி எச்சரிக்கை விடுத்திருந்தாா்.

இந்நிலையில், பெருந்துறை - ஈரோடு சாலையில் ஒரு பேக்கரி முன்பு பெங்களூரு, கிருஷ்ணாபுரத்தைச் சோ்ந்த சுராஜ்குமாா் என்பவரிடம் ரூ. 25 ஆயிரம் கேட்டு மிரட்டி தகராறு செய்துள்ளாா்.

இதுகுறித்து, பெருந்துறை போலீஸில் சுராஜ்குமாா் புகாா் அளித்தாா். நீதிபதியின் நிபந்தனையை மீறியதால் சுரேஷை போலீஸாா் கைது செய்து, ஈரோடு வருவாய் கோட்டாட்சியா் முன் ஆஜா்படுத்தினா். சுரேஷை 9 மாதம் சிறையில் அடைக்க கோட்டாட்சியா் உத்தரவிட்டாா். இதையடுத்து, கோபியில் உள்ள மாவட்ட சிறையில் சுரேஷ் வெள்ளிக்கிழமை மாலை அடைக்கப்பட்டாா்.