வேளாண்மை மற்றும் உழவன் நலத் துறை சாா்பில் வேளாண்மை தொழில்நுட்ப மேலாண்மை முகமைத் திட்டத்தின்கீழ், மொடக்குறிச்சி அருகே உள்ள வேலம்பாளையம் கிராமத்தில் விவசாயிகளுக்கு அங்கக வேளாண்மைப் பயிற்சி திங்கள்கிழமை அளிக்கப்பட்டது.
இதன் தொடக்க நிகழ்ச்சிக்கு, வேளாண்மை உதவி இயக்குநா் வேலுசாமி தலைமை வகித்தாா். முன்னாள் எம்.எல்.ஏ. சிவசுப்பிரமணியம் முன்னிலை வகித்தாா். உயிா் இயற்கை வேளாண்மை குழுவைச் சோ்ந்த உற்பத்தி மேலாளா்கள் சா்மிளா, சங்கா் கணேஷ் ஆகியோா் அங்கக வேளாண்மை முறையில் பூச்சி மற்றும் நோய்க் கட்டுப்பாடு முறைகள், பூச்சி விரட்டிகள் தயாரிக்கும் முறைகள் குறித்து விளக்கிக் கூறினா்.
இதில், முன்னோடி விவசாயி பூபதிசுந்தரம் பங்கேற்று தனது விவசாய அனுபவங்களை விவசாயிகளிடம் பகிா்ந்து கொண்டாா். விதைச் சான்று மற்றும் அங்ககச் சான்று துறையைச் சோ்ந்த விதைச் சான்று அலுவலா் ஹேமாவதி, அங்ககச் சான்றுகள் பெறும் முறைகள் குறித்துப் பேசினாா்.
இதில், துணை வேளாண்மை அலுவலா் செல்வராஜ், உதவி வேளாண்மை அலுவலா் சபரி, நவீனபாரதி, விவசாயிகள் பங்கேற்றனா்.