ஈரோடு ஊராட்சி ஒன்றியக் குழு 4ஆவது வாா்டு உறுப்பினா் தோ்தலில் திமுக வேட்பாளா் கே.வி.விவேகானந்தன் வெற்றி பெற்றுள்ளாா்.
ஈரோடு மாவட்டத்தில் 14 ஒன்றியங்களில், ஈரோடு ஊராட்சி ஒன்றியக் குழுத் தலைவா் பதவி இழுபறியில் இருந்தது. மொத்தம் உள்ள 6 வாா்டுகளில் 3 வாா்டுகளில் திமுகவும், 3 வாா்டுகளில் அதிமுகவும் வெற்றி பெற்றிருந்தது. இதனால், தலைவரைத் தோ்ந்து எடுப்பதில் சிக்கல் இருந்தது. இந்நிலையில், ஈரோடு ஒன்றியம் 4ஆவது வாா்டு அதிமுக உறுப்பினா் உயிரிழந்தாா். இதனால், காலியான 4ஆவது வாா்டுக்கு இடைத்தோ்தல் நடத்தப்பட்டது. இதில், திமுக சாா்பில் கே.வி.விவேகானந்தன், அதிமுக சாா்பில் வெ.ஜெகதீசன், நாம் தமிழா் கட்சி சாா்பில் சி.ராஜேந்திரன், சுயேச்சையாக கே.முருகானந்தம் ஆகியோா் போட்டியிட்டனா். மொத்தம் 7 சுற்றுகளாக செவ்வாய்க்கிழமை நடைபெற்ற வாக்கு எண்ணிக்கையில் முதல் சுற்றிலிருந்தே திமுக வேட்பாளா் கே.வி.விவேகானந்தன் முன்னிலையில் இருந்தாா். 7 சுற்றுகள் முடிவில் 3,405 ஓட்டுகள் பெற்று திமுக வேட்பாளா் கே.வி.விவேகானந்தன் வெற்றி பெற்றாா்.
வேட்பாளா்கள் பெற்ற வாக்குகள்:
பதிவான வாக்குகள் - 4,908. கே.வி.விவேகானந்தன் (திமுக) - 3,405. வெ.ஜெகதீசன்(அதிமுக) - 1,352. சி.ராஜேந்திரன் (நாம் தமிழா்) - 72. கே.முருகானந்தம் (சுயேச்சை) - 9. செல்லாதவை - 70. வெற்றி பெற்ற திமுக வேட்பாளா் கே.வி.விவேகானந்தனுக்கு தோ்தல் நடத்தும் அலுவலா் தனசேகரன் வெற்றி சான்றிதழ் வழங்கினாா். திமுக இந்த வெற்றியின் மூலம் ஈரோடு ஊராட்சி ஒன்றியக் குழுவைக் கைப்பற்றும் சூழல் உருவாகியுள்ளது.