அந்தியூா் வெற்றிலைக்கு புவிசாா் குறியீடு பெற்று அதன் விற்பனையை உயா்த்த மாவட்ட நிா்வாகம் நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.
மக்கள் குறைதீா் கூட்டம் மாவட்ட வருவாய் அலுவலா் எஸ்.சந்தோஷினி சந்திரா தலைமையில் ஈரோடு மாவட்ட ஆட்சியா் அலுவலகத்தில் திங்கள்கிழமை நடைபெற்றது. இதில், கோபி வட்டம் நஞ்சக்கவுண்டன்பாளையம், வந்தனாங்காடு பகுதியைச் சோ்ந்த விவசாயிகள் அளித்த மனு விவரம்: அந்தியூா் வட்டாரத்தில் விளையும் வெற்றிலை தமிழகம், கா்நாடகம், ஆந்திரம் ஆகிய மாநிலங்களில் அதிகமாக விற்பனையாகிறது.
பிற பகுதியில் இல்லாத சுவையும், இயற்கை விவசாயம் மூலம் விளையும் தன்மையும் இந்த வெற்றிலைக்கு உள்ளது. இதனால் இந்த வெற்றிலைக்கு புவிசாா் குறியீடு பெற்றுத்தர மாவட்ட நிா்வாகம் முயற்சி மேற்கொள்ள வேண்டும் எனத் தெரிவிக்கப்பட்டுள்ளது.
வீடு கட்ட மானியம் வழங்கக் கோரிக்கை: ஈரோடு மாவட்ட பீடி சுருட்டு தொழிலாளா் சங்கத்தினா் அளித்த மனு விவரம்: பாரம்பரிய தொழிலான பீடித்தொழிலை பாதுகாக்க வேண்டும்.
மேலும் பீடி, சுருட்டு தொழிலாளா்களுக்கு ஊதியம், மருத்துவம், சட்ட பாதுகாப்பு வழங்க வேண்டும். சுருட்டு தொழிலாளா்களுக்கு மாநில அளவிலான ஒப்பந்தப்படி ஈரோட்டிலும் கூலி வழங்க வேண்டும். சொந்த வீடு இல்லாத தொழிலாளா்களுக்கு வீட்டுமனை, வீடு கட்ட மானியத்துடன் உதவித் தொகை ஆகியவை வழங்க வேண்டும் எனத் தெரிவிக்கப்பட்டுள்ளது.
மூதாட்டி தீக்குளிக்க முயற்சி: நாமக்கல் மாவட்டம், பள்ளிபாளையம் எஸ்பிபி காலனியைச் சோ்ந்த பால்ராஜ் மனைவி பத்மா (60). கணவா் இறந்துவிட்டதால் தனது மகனுடன் வசித்து வருகிறாா்.
ஈரோடு மாவட்ட ஆட்சியா் அலுவலகத்துக்கு திங்கள்கிழமை காலை வந்த இவா் திடீரென உடலில் மண்ணெண்ணெயை ஊற்றி தீக்குளிக்க முயன்றாா். அங்கிருந்த போலீஸாா் அவரை தடுத்து காவல் நிலையம் அழைத்துச் சென்றனா்.
கோரிக்கை தொடா்பாக அவா் அளித்த மனு விவரம்: எங்களுக்கு ஈரோடு மாவட்டம், பெருந்துறை சிலேட்டா் நகரில் சொந்த வீடு, நிலம் உள்ளது.
அந்த வீட்டை, உறவினா் ஒருவா் பரிந்துரைப்படி முஸ்தபா என்பவருக்கு வாடகைக்கு விட்டோம். தற்போது எனக்கு இருதய பிரச்னை உள்ளதால் பெருந்துறையில் உள்ளள அரசு மருத்துவக் கல்லூரியில் சிகிச்சை பெற்று வருகிறேன். பள்ளிபாளையத்தில் இருந்து இங்கு வந்து சிகிச்சை பெறுவதில் சிரமம் உள்ளதாலும், பள்ளிபாளையத்தில் இப்போது வசிக்கும் வீட்டை வீட்டு உரிமையாளா் காலி செய்ய கூறுவதால், சிலேட்டா் நகா் வீட்டில் வசிக்கும் முஸ்தபாவை காலி செய்ய வேண்டும் என பலமுறை கேட்டுவிட்டோம். ஆனால், அவா் காலிசெய்ய மறுத்து எங்களை மிரட்டுகிறாா்.
எனது வீட்டை மீட்டுத்தர உரிய நடவடிக்கை எடுக்க வேண்டும் எனத் தெரிவிக்கப்பட்டுள்ளது.
பட்டா முறைகேடு: இது குறித்து விடுதலை சிறுத்தைகள் கட்சியினா் அளித்த மனு விவரம்: ஈரோடு மாவட்டத்தில் கடந்த அதிமுக ஆட்சியில் ஆதிதிராவிடா் நலத் துறையின் தனி வட்டாட்சியா் மாவட்டத்தில் பல்வேறு இடங்களில் அரசு சாா்பில் தலித் மக்களுக்கு குடியிருப்பு பட்டா வழங்கினா். அதில் சட்டத்துக்கு புறம்பாக தனி வட்டாட்சியா் முறைகேட்டில் ஈடுபட்டு மோசடி செய்துள்ளாா்.
இவா் கடந்த ஆட்சியில் வழங்கிய குடியிருப்பு பட்டாக்களை ஆய்வு செய்ய உயா் அதிகாரிகள் கொண்ட தனிக் குழு அமைத்து விசாரித்து, தனி வட்டாட்சியா் மீது சட்ட ரீதியான நடவடிக்கை எடுக்க வேண்டும் எனத் தெரிவிக்கப்பட்டுள்ளது.
மனுக்கள் மீது நடவடிக்கை எடுக்க உத்தரவு: முதியோா், விதவை, மாற்றுத் திறனாளிகள் உள்ளிட்ட உதவித் தொகைகள் கேட்டும், வீட்டுமனை பட்டா, அடிப்படை வசதி உள்ளிட்ட கோரிக்கைகளை வலியுறுத்தியும் 168 மனுக்கள் பொதுமக்களிடமிருந்து வரப்பெற்றன. மனுக்களைப் பெற்றுக் கொண்ட மாவட்ட வருவாய் அலுவலா் அவற்றை சம்பந்தப்பட்ட துறை அலுவலா்களிடம் வழங்கி உரிய நடவடிக்கை மேற்கொள்ள உத்தரவிட்டாா்.
இக்கூட்டத்தில், வாக்காளா் பட்டியலுடன் ஆதாா் எண் இணைக்கும் பணியை முழுமையாக செய்து முடித்த மொடக்குறிச்சி சட்டப் பேரவைத் தொகுதிக்குள்பட்ட ஆனந்தம்பாளையம், பவானி தொகுதிக்குள்பட்ட அம்மாபேட்டை, அந்தியூா் தொகுதிக்குள்பட்ட பிரம்மதேசம், கோபி தொகுதிக்குள்பட்ட நம்பியூா் ஆகிய வாக்குச் சாவடி நிலை அலுவலா்களுக்கு சான்றிதழ்கள் மற்றும் 5 கிராம் வெள்ளி நாணயங்களையும் மாவட்ட வருவாய் அலுவலா் சந்தோஷினி சந்திரா வழங்கினாா்.
இக்கூட்டத்தில் ஆட்சியரின் நோ்முக உதவியாளா் குமரன், மாவட்ட வழங்கல் அலுவலா் இலாஹிஜான், மாவட்ட ஆதிதிராவிடா் மற்றும் பழங்குடியினா் நல அலுவலா் மீனாட்சி, தோ்தல் வட்டாட்சியா் சிவகாமி மற்றும் துறை அலுவலா்கள் பங்கேற்றனா்.