சத்தியமங்கலம் வேளாண்மை உற்பத்தியாளா் கூட்டுறவு விற்பனை சங்கத்தில் வெள்ளிக்கிழமை நடந்த ஏலத்தில் 1050 வாழைத்தாா்கள் ரூ. 1.65 லட்சத்துக்கு விற்பனையானது.
சத்தியமங்கலம் வேளாண் உற்பத்தியாளா் கூட்டுறவு விற்பனை சங்கத்தில் வாழைத்தாா் ஏலம் நடைபெற்றது. கோவை, அவிநாசி, திருப்பூா், சேலம் மற்றும் கேரளாவ வியாபாரிகள் கலந்து கொண்டனா். சத்தியமங்கலம் சுற்றுவட்டாரத்தில் உள்ள பவானிசாகா், சிக்கரசம்பாளையம், கே.என்.பாளையம், புன்செய்புளியம்பட்டி, அரசூா் உள்ளிட்ட பகுதிகளிலிருந்து 495 க்கும் மேற்பட்ட விவசாயிகள் 1050 வாழைத்தாா்களை விற்பனைக்காகக் கொண்டு வந்திருந்தனா்.
இதில் கதளி ரகம் ஒரு கிலோ ரூ. 30 முதல் ரூ. 42 வரையும், நேந்திரன் ரூ. 20 முதல் ரூ. 32 வரையும் விற்பனையாயின. பூவன் தாா் ரூ. 450 வரையும், தேன் வாழை ரூ. 550, செவ்வாழை ரூ. 700, பச்சை நாடன் ரூ. 600, மொந்தன் ரூ. 300 வரையும் விலை போனது.
1050 வாழைத்தாா்கள் ரூ. 1.65 லட்சத்துக்கு விற்பனையானதாக கூட்டுறவு விற்பனை சங்க அதிகாரிகள் கூறினா். நேந்திரம், கதளி, செவ்வாழை, தேன் வாழைத்தாா்கள் அதிக விலைக்கு விற்கப்பட்டதால் விவசாயிகள் மகிழ்ச்சி அடைந்தனா்.