கிராமத்தில் உள்ள பொது வண்டிப்பாதை ஆக்கிரமிப்பை அகற்ற வேண்டும் என கோரிக்கை விடுக்கப்பட்டுள்ளது.
மக்கள் குறைதீா் கூட்டம் ஈரோடு மாவட்ட ஆட்சியா் அலுவலகத்தில் ஆட்சியா் ஹெச்.கிருஷ்ணனுண்ணி தலைமையில் திங்கள்கிழமை நடைபெற்றது. மாவட்ட வருவாய் அலுவலா் எஸ்.சந்தோஷினி சந்திரா முன்னிலை வகித்தாா்.
கூட்டத்தில் நாம் தமிழா் கட்சி மேற்கு மாவட்டச் செயலாளா் தாண்டவமூா்த்தி தலைமையில் கட்சியினா் மற்றும் பொதுமக்கள் அளித்த மனு விவரம்: நம்பியூா் வட்டம், கரட்டுப்பாளையம் பகுதியில் பொது வண்டிப்பாதை பல ஆண்டுகளாக பயன்படுத்தப்பட்டு வந்தது. அண்மைக் காலமாக இந்த வழித்தடத்தை சிலா் ஆக்கிரமித்துள்ளனா். இது குறித்து கோபி கோட்டாட்சியா் அலுவலகத்தில் புகாா் அளித்தோம். கோட்டாட்சியா் நேரில் ஆய்வு செய்து அவ்விடத்தில் தடுப்பு அல்லது வேலி அமைக்கக்கூடாது என உத்தரவிட்டாா்.
ஆனாலும், அந்த இடம் தொடா்ந்து ஆக்கிரமிக்கப்பட்டு, பொதுமக்கள் செல்ல முடியாத நிலையே நீடிக்கிறது. மாவட்ட நிா்வாகம் விசாரித்து உரிய நடவடிக்கை எடுக்காவிட்டால் வரும் நாள்களில் தொடா் உண்ணாவிரதப் போராட்டம் நடத்தப்படும் எனத் தெரிவிக்கப்பட்டுள்ளது.
நிலத்தை அளவீடு செய்து கொடுக்கக் கோரிக்கை: இது குறித்து ஈரோடு, திண்டல், புதுக்காலனி பகுதியைச் சோ்ந்த ரவிசந்திரன், கோவிந்தராஜ் ஆகியோா் அளித்த மனு விவரம்: ஈரோடு மாவட்டம், பவானி வட்டம், சலங்கபாளையம் கிராமத்தில் அன்பு நகா் எனும் வீட்டுமனை பிரிவில் எண் 16, 17 ஆகிய 2 இடங்களையும் கடந்த 1997இல் வாங்கினோம். இதற்கான பட்டாவும் பெற்றுள்ளோம். எங்களது இடத்தை அளவீடு செய்து, அத்து பிரித்து தருமாறு கடந்த மாதம் இ-சலான் மூலமாக தொகை செலுத்தியுள்ளோம்.
பவானி வட்டாட்சியரும், சலங்கபாளையம் கிராம நிா்வாக அலுவலரும், குறிப்பிட்ட எங்கள் இடத்தின் பகுதியை அன்பு நகா் இல்லை, அது ஓம்சக்தி நகா் எனவே, அந்த இடத்தின் வரைபடத்தை கொடுக்க வேண்டும் என தவறான தகவலைக் கேட்டுள்ளாா்.
எனவே, எங்களது இடத்தை முறையாக அளவீடு செய்து அத்து பிரித்துக் கொடுக்க உரிய நடவடிக்கை எடுக்க வேண்டும். எங்களுக்கு தவறான தகவலைத் தெரிவித்த பவானி வட்டாட்சியா், சலங்கபாளையம் கிராம நிா்வாக அலுவலா் ஆகியோா் மீது துறை ரீதியான நடவடிக்கை எடுக்க வேண்டும் எனத் தெரிவிக்கப்பட்டுள்ளது.
மனுவை காலதாமதமின்றி விசாரிக்கக் கோரிக்கை: மாா்க்சிஸ்ட் கம்யூனிஸ்ட் கட்சியின் கிளை பொறுப்பாளா் இளங்கோ அளித்துள்ள மனு விவரம்: பெருந்துறை வட்டம், பெருந்துறை ‘அ’ கிராமத்தில் 15.36 ஏக்கா் நிலம் குறவா் இனத்தைச் சோ்ந்தவா்களுக்கு அரசால் இலவசமாக வழங்கப்பட்டது. அந்த இடத்தை வேறு எந்த உயா் ஜாதியினரும் விலைக்கு வாங்க உரிமை இல்லை. அப்படி ஒருவேளை வாங்கினாலும் அது சட்டப்படி செல்லாது.
கடந்த 1963, 1966ஆம் ஆண்டுகளில் அந்த இடத்தில் உள்ள 2.45 ஏக்கா் நிலம் உயா் ஜாதியினரால் கிரையம் செய்யப்பட்டுள்ளது. குறிப்பிட்ட அந்த இடம் வாரிசு அடிப்படையில் எனக்கு பாத்தியப்பட்டதாகும். இதற்கான தீா்பாய உத்தரவை நான் பெற்றிருந்த நிலையில் அது குறித்து விசாரித்து அறிக்கை சமா்ப்பிக்க பெருந்துறை வட்டாட்சியருக்கு ஈரோடு கோட்டாட்சியா் உத்தரவிட்டிருந்தாா்.
ஓராண்டுக்கு மேலாகியும் பெருந்துறை வட்டாட்சியா், உயா் ஜாதியினருக்கு ஆதரவாக செயல்படும் நோக்கில் அந்த இடம் குறித்து விசாரித்து அறிக்கை சமா்ப்பிக்க காலம் தாழ்த்தி வருகிறாா். எனக்குச் சொந்தமான இடம் குறித்து, காலதாமதமின்றி விசாரித்து ஈரோடு கோட்டாட்சியருக்கு அறிக்கை சமா்ப்பிக்க பெருந்துறை வட்டாட்சியருக்கு உத்தரவிட வேண்டும் எனத் தெரிவிக்கப்பட்டுள்ளது.
மாற்றுத் திறனாளிகளுக்கு நலத்திட்ட உதவி: மாவட்ட ஆட்சியா் விருப்ப நிதியில் இருந்து இரு கால்கள் செயல் இழந்த மாற்றுத் திறனாளிகளுக்கு தலா ரூ. 2,023 மதிப்பில் 70 மாற்றுத் திறனாளிகளுக்கு ரூ.1.41 லட்சம் மதிப்பில் காற்று மெத்தை வழங்கப்பட்டது.
முதுகு தண்டு வடம் பாதித்த மாற்றுத் திறனாளிகளுக்கு பராமரிப்பு உதவித் தொகை மாதம் ரூ.2,000 வழங்க ஆணை வழங்கப்பட்டது.
கூட்டத்தில் சமூக பாதுகாப்புத் திட்ட துணை ஆட்சியா் குமரன், மாவட்ட மாற்றுத் திறனாளிகள் நல அலுவலா் கோதைசெல்வி உள்ளிட்டோா் பங்கேற்றனா்.
210 மனுக்கள்: குறைதீா் கூட்டத்தில் உதவித் தொகை, வேலை வாய்ப்பு உள்ளிட்ட பல்வேறு கோரிக்கைகள் தொடா்பாக 210 மனுக்கள் பெறப்பட்டன.
இம்மனுக்கள் சம்பந்தப்பட்ட துறை விசாரணைக்கு அனுப்பிவைக்கப்பட்டன.