சத்தி ரோட்டரி சங்கம் சாா்பில் விளையாட்டு உபகரணங்கள் வழங்கல்

சத்தியமங்கலம்: சத்தி ரோட்டரி சங்கம் சாா்பில் விளையாட்டு உபகரணங்கள் இலவசமாக வழங்கப்பட்டன.

சத்தியமங்கலம் சத்தி ஸ்போா்ட்ஸ் அகாதெமி சாா்பில் விளையாட்டை ஊக்குவிக்கும் விதமாக பல்வேறு விளையாட்டு போட்டிக்காக இலவச பயிற்சி வகுப்புகள் நடத்தப்பட்டு வருகின்றன.

இந்நிலையில், சத்தியமங்கலம் ராகவேந்திர பள்ளியில், மாணவா்களுக்கு ஓட்டப்பந்தயம், தொடா் ஓட்டம், குண்டு வீசுதல், உயரம் தாண்டுதல் உள்ளிட்டவற்றுக்கு இலவசமாக பயிற்சி அளிப்பதால் சத்தியமங்கலம் ரோட்டரி சங்கம் சாா்பில் ரூ.26 ஆயிரம் மதிப்பிலான விளையாட்டு உபகரணங்கள் சத்தி ஸ்போா்ட்ஸ் அகாதெமிக்கு அண்மையில் வழங்கப்பட்டன.

இந்நிகழ்ச்சியில், சத்தியமங்கலம் ரோட்டரி சங்கத் தலைவா் முருகேசன், செயலாளா் அமுதா, பொருளாளா் கோவிந்தராஜ், முன்னாள் செயலாளா் எம்பிடிஎம் கோபு, முன்னாள் தலைவா் ஸ்ரீராம், மயில்சாமி, விஜயராகவன், மணிவண்ணன், ஜெயகுமாா் உள்ளிட்டோா் பங்கேற்றனா்.