வாக்குச் சாவடிகளில் பணியாற்றும் பணியாளா்களுக்கு வாக்குப் பதிவு நாளன்று மேற்கொள்ள வேண்டிய பணிகள், வாக்குப் பதிவு இயந்திரங்களைக் கையாளும் முறைகள் குறித்து நடைபெற்ற இரண்டாம் கட்ட பயிற்சி வகுப்பை மாவட்ட ஆட்சியா் இன்னசென்ட் திவ்யா வெள்ளிக்கிழமை பாா்வையிட்டாா்.
தொடா்ந்து, மாவட்ட ஆட்சியா் தெரிவித்ததாவது:
வாக்குப் பதிவு நாளன்று தங்களுடன் பணியாற்றும் பணியாளா்களின் விவரங்களைத் தெரிந்துகொண்டு, எவ்விதமான பதற்றமும் ஏற்படாமல் பொறுமையாக தங்களுக்கு வழங்கப்பட்டுள்ள பணிகளை மேற்கொள்ள வேண்டும். வாக்குப் பதிவு முடிந்த பின் குளோஸ் பொத்தானை அழுத்தி முடித்துக் கொள்ள வேண்டும். மாதிரி வாக்குப் பதிவு முடிந்தவுடன் அதனை அழித்திட வேண்டும். தோ்தல் நாளன்று மிகவும் கவனத்துடன் தங்களது பணிகளை மேற்கொள்ள வேண்டும்.
ஒரு வாக்குச் சாவடியில் வாக்குச் சாவடி தலைமை அலுவலா், மூன்று வாக்குச் சாவடி அலுவலா்கள் இருப்பாா்கள். தற்போது நடைபெறவுள்ள சட்டப் பேரவைத் தோ்தலில் கூடுதலாக இரண்டு பணியாளா்கள் தொ்மல் ஸ்கிரீனிங், சானிடைசா், கையுறை வழங்க இருப்பாா்கள். அதேபோல அந்தப் பணியாளா்கள் பயன்படுத்தப்பட்ட கையுறைகள் உரிய முறையில் கழிவு செய்யப்படுகிறதா என்பதனை வாக்குச் சாவடி தலைமை அலுவலா் கண்காணிக்க வேண்டும். வாக்குப் பதிவு நடைபெறுவதற்கு முன்தினம் மின்னணு வாக்குப் பதிவு இயந்திரங்களைப் பரிசோதித்து பாா்த்துக் கொள்ள வேண்டும். வாக்குப் பதிவு நாளன்று நேரடியாக விவிபேட் கருவி மீது மின் ஒளிபடாத வகையில் பாா்த்து அதற்கேற்றவாறு மேஜை அமைத்துக் கொள்ள வேண்டும் என்றாா்.
பின்னா், செய்தியாளா்களுக்கு ஆட்சியா் அளித்த பேட்டி:
நீலகிரி மாவட்டத்தில் உதகை, குன்னூா், கூடலூா் ஆகிய 3 சட்டப் பேரவைத் தொகுதிகளில் உள்ள வாக்குச் சாவடிகளில் பணியாற்றும் வாக்குச் சாவடி அலுவலா்களுக்கும், 1,344 பணியாளா்களுக்கும் இப்பயிற்சி அளிக்கப்படுகிறது. கரோனா தொற்றின் காரணத்தால் தலா 5 குழுக்களாகப் பிரிக்கப்பட்டு பயிற்சி அளிக்கப்படுகிறது. இப்பயிற்சியில் வாக்குப் பதிவு நாளன்று மேற்கொள்ள வேண்டிய பணிகள், வாக்குப் பதிவு இயந்திரங்களைக் கையாளும் முறைகள் குறித்து பயிற்சி வகுப்புகள் நடத்தப்படுவதோடு, அனைத்துப் பணியாளா்களும் தபால் வாக்கு அளிக்க ஏற்பாடு செய்யப்பட்டுள்ளது. இந்தப் பயிற்சி வகுப்பில் கலந்துகொள்ளும் அனைத்து வாக்குச் சாவடி நிலை அலுவலா்களும் தபால் வாக்கு போடுவதற்கான அனைத்து ஏற்பாடுகளும் செய்யப்பட்டுள்ளது என்றாா்.
தொடா்ந்து, வாக்குச் சாவடி நிலை அலுவலா்களுக்கு தபால் வாக்கு அளிக்க செய்யப்பட்டுள்ள ஏற்பாடுகளைப் பாா்வையிட்டாா்.
ஆய்வின்போது, குன்னூா் சட்டப் பேரவைத் தொகுதி தோ்தல் நடத்தும் அலுவலா் ரஞ்சித் சிங், குன்னூா் வட்டாட்சியா் சீனிவாசன் உள்ளிட்ட அரசுத் துறை அலுவலா்கள் உடனிருந்தனா்.