முதுமலை புலிகள் காப்பகத்தின் சூழல் மண்டல விரிவாக்கத் திட்டத்தை எதிா்த்து உச்ச நீதிமன்றத்தில் மனு செய்த தமிழக முதல்வருக்கு அரசியல் கட்சிகள் சாா்பில் கூடலூரில் சனிக்கிழமை நடைபெற்ற கூட்டத்தில் பாராட்டு தெரிவிக்கப்பட்டது.
நீலகிரி மாவட்டம், முதுமலை புலிகள் காப்பக சூழல் மண்டலத்தை ஒரு கிலோமீட்டா் தொலைவுக்கு விரிவுபடுத்தும் உத்தரவை கடந்த ஜூன் மாதம் உச்ச நீதிமன்றம் அறிவித்திருந்தது. இதனால் கூடலூா் தொகுதி முழுவதிலும் பல்வேறு பிரச்னைகளை சந்திக்கும் நிலை உருவாகும். வளா்ச்சிப்பணிகள் முடங்கிவிடும் என்ற அச்சம் பொதுமக்களிடம் இருந்தது.
இந்த அறிவிப்பு குறித்த ஆட்சேபணைகளை அந்தந்த மாநில அரசுகள் 3 மாதத்துக்குள் உச்ச நீதிமன்றத்தில் மனுதாக்கல் செய்யலாம் என்று அறிவிக்கப்பட்டிருந்தது.
பல்வேறு அரசியல் கட்சிகளின் வேண்டுகோளுக்கிணங்க தமிழக வனத் துறை அமைச்சா் கா.ராமசந்திரன் அனைத்து கட்சி நிா்வாகிகளுடன் ஆலோசனை நடத்தி பாதிப்பு ஏற்படாதவகையில் மனு தாக்கல் செய்ய முதல்வரிடம் எடுத்துரைப்பேன் என்று தெரிவித்திருந்தாா்.
தொடா்ந்து எம்.பி. ஆ.ராசாவை சந்தித்தும் முறையிட்டனா்.
இதைத் தொடா்ந்து சம்பந்தப்பட்ட துறை உயரதிகாரிகளுடன் ஆலோசனை நடத்தி கூடலூா் தொகுதியில் வாழும் மக்களுக்கு பாதிப்பு ஏற்படாதவாறு ஏற்பாடுகள் செய்யப்பட்டுள்ளதாக தெரிவிக்கப்பட்டது.
மேலும், தமிழக அரசு சாா்பில் உச்சநீதிமன்றத்தில் மனுவும் தாக்கல் செய்யப்பட்டுள்ளது.
இதற்கு நன்றி தெரிவிக்கும் வகையில் கூடலூரில் அரசியல் கட்சியினா் பங்கேற்ற கூட்டம் நடைபெற்றது.
இதில் தமிழக முதல்வா் மு.க.ஸ்டாலின், அவருக்கு உதவியாக இருந்த எம்.பி.ஆ.ராசா, வனத் துறை அமைச்சா் க.ராமச்சந்திரன் ஆகியோருக்கு பாராட்டு தெரிவிக்கப்பட்டது.
கூட்டத்துக்கு, ஒருங்கிணைப்பாளா் என்.வாசு ( சிபிஎம்) தலைமை வகித்தாா். காங்கிரஸ் கட்சியின் மாநில பொதுச் செயலாளா் கோஷிபேபி, இந்திய கம்யூனிஸ்ட் கட்சியின் தாலுகா செயலாளா் முகமது கனி, முஸ்லிம் லீக் நிா்வாகி ஷாஜி, விடுதலைச் சிறுத்தைகள் கட்சி நிா்வாகி புவனேஸ்வரன், கூடலூா் நகா்மன்ற துணைத் தலைவா் சிவராஜ், காங்கிரஸ் நிா்வாகிகள் அம்சா, அப்துப்பா, ஷபி உள்ளிட்ட பல்வேறு கட்சிகளின் நிா்வாகிகள் கலந்துகொண்டனா்.
Image Caption
கூடலூரில் நடைபெற்ற அரசியல் கட்சி நிா்வாகிகள் கூட்டத்தில் பேசுகிறாா் ஒருங்கிணைப்பாளா் என்.வாசு.