பேரவை மாற்றுத் தலைவராக சு.குணசேகரன் தேர்வு

நடப்பு சட்டப் பேரவை கூட்டத் தொடருக்கான மாற்றுத் தலைவர்கள் குழுவில் திருப்பூர் தெற்கு சட்டப் பேரவை உறுப்பினர் சு.குணசேகரனும் இடம் பெற்றுள்ளார். 
தமிழக சட்டப் பேரவை கூட்டத் தொடர் தற்போது நடைபெற்று வருகிறது. இந்நிலையில், தமிழ்நாடு சட்டப் பேரவை விதி (9)1 ன் கீழ் கூட்டத் தொடருக்கான மாற்றுத் தலைவர்கள் பட்டியல் அறிவிக்கப்பட்டுள்ளது. 
இதில் மாற்றுத் தலைவர்களாக சட்டப் பேரவை உறுப்பினர்கள் 6 பேர் நியமிக்கப்பட்டுள்ளனர். அதன்படி திருப்பூர் தெற்கு தொகுதி சட்டப் பேரவை உறுப்பினர் சு.குணசேகரன் மற்றும் சட்டப் பேரவை உறுப்பினர்கள் பி.எம்.நரசிம்மன், எஸ்.பி.சண்முகநாதன், சு.ரவி, இரா.குமரகுரு, வி.வி.ராஜன் செல்லப்பா ஆகியோர் நியமிக்கப்பட்டுள்ளனர்.