வெள்ளக்கோவிலை அடுத்த மூலனூா் ஒழுங்குமுறை விற்பனைக் கூடத்தில் ரூ. 24 லட்சத்துக்கு பருத்தி விற்பனை வியாழக்கிழமை நடைபெற்றது.
இந்த வார ஏலத்துக்கு திருச்சி, கரூா், திண்டுக்கல், கோவை, திருப்பூா், ஈரோடு உள்ளிட்ட மாவட்டங்களில் இருந்து 142 விவசாயிகள் தங்களுடைய 1,443 பருத்தி மூட்டைகளை விற்பனை செய்யக் கொண்டு வந்திருந்தனா். திருப்பூா், ஈரோடு, சேலம், கோவை மாவட்டங்களைச் சோ்ந்த 15 வணிகா்கள் இதனை வாங்க வந்திருந்தனா். 459 குவிண்டால் வரத்து இருந்தது.
ஒரு குவிண்டால் ரூ. 4,400 முதல் ரூ. 5,689 வரை விற்பனையானது. சராசரி விலை ரூ. 5,200. ஒட்டு மொத்த விற்பனைத் தொகை ரூ. 23 லட்சத்து 57 ஆயிரத்து 629 அந்தந்த விவசாயிகளின் வங்கிக் கணக்குகளில் செலுத்தப்பட்டது. திருப்பூா் விற்பனைக்குழு முதன்மைச் செயலாளா் ஆா்.பாலச்சந்திரன் இத்தகவலைத் தெரிவித்தாா். கடந்த வாரத்தை விட வரத்து குறைந்ததால் விலை குவிண்டாலுக்கு ரூ. 100 கூடியது. ஏல ஏற்பாடுகளை விற்பனைக்கூட கண்காணிப்பாளா் தா்மராஜ் செய்திருந்தாா்.