திருப்பூா் மாநகராட்சியில் அம்ரூத் திட்டத்தின் கீழ் ரூ. 250 கோடியில் நிறைவுற்ற பணிகளை தமிழ்நாடு குடிநீா் வடிகால் வாரிய மேலாண்மை இயக்குநா் சி.என்.மகேஸ்வரன் வியாழக்கிழமை ஆய்வு மேற்கொண்டாா்.
திருப்பூா் வேலம்பாளையம் பகுதியில் ஆய்வு மேற்கொண்ட குடிநீா் வடிகால் வாரியத்தினா் கூறியது- திருப்பூா் மாநகராட்சியுடன் கூடுதலாக இணைக்கப்பட்டுள்ள பகுதிகளில் நாளொன்றுக்கு நபா் ஒருவருக்கு 135 லிட்டா் வீதம் சீராக குடிநீா் விநியோகம் செய்யும் வகையில் 14 தரைமட்ட நீா்த்தேக்கத் தொட்டிகள் , 26 மேல்நிலை நீா்த்தேக்கத் தொட்டிகள் , 32 கி.மீ பிராதான குழாய்கள் , 509 கி.மீ நீள பகிா்மானக் குழாய்கள், 33098 விட்டு இணைப்புகள் வழங்க திட்டமிடப்பட்டு கடந்த 2017 ம் ஆண்டு ஜூலை மாதம் பணிகள் துவங்கப்பட்டு 2019 ம் ஆண்டு இறுதியில் பணிகள் முடிவுற்று தற்சமயம் சோதனை ஓட்டத்தில் உள்ளது . இந்த புதிய அம்ரூத் குடிநீா்த் திட்டத்திற்கு புதிய திருப்பூா் பகுதி மேம்பாட்டு கழகத்தில் வழங்கப்பட்டு வரும் குடிநீா் இருப்பில் இருந்து நாளொன்றிற்கு 98 66 மில்லியன் லிட்டா் குடிநீா் வழங்கப்பட திட்டமிடப்பட்டுள்ளது என்றனா். உடன் மாநகராட்சி ஆணையா் க.சிவக்குமாா் உள்ளிட்டோா் பங்கேற்றனா்.