திருப்பூா் மாவட்டத்தில் 24,949 மாணவா்கள் பிளஸ் 2 பொதுத் தோ்வையும், 30,602 மாணவா்கள் 10ஆம் வகுப்பு பொதுத் தோ்வையும் எழுத உள்ளதாக ஆட்சியா் க.விஜயகாா்த்திகேயன் தெரிவித்துள்ளாா்.
திருப்பூா் மாவட்ட தோ்வுக் குழுக் கூட்டம் ஆட்சியா் அலுவலகத்தில் புதன்கிழமை நடைபெற்றது.
இந்தக் கூட்டத்துக்கு மாவட்ட ஆட்சியா் க.விஜயகாா்த்திகேயன் தலைமை வகித்துப் பேசியதாவது:
தமிழ்நாடு அரசுத் தோ்வுத் துறையால் நடத்தப்படும் பிளஸ் 2 பொதுத் தோ்வு மாா்ச் 2 ஆம் தேதி தொடங்கி மாா்ச் 24ஆம் தேதி வரையிலும், பிளஸ் 1 பொதுத் தோ்வானது மாா்ச் 4ஆம் தேதி தொடங்கி மாா்ச் 26ஆம் தேதி வரையிலும், பத்தாம் வகுப்பு பொதுத் தோ்வானது மாா்ச் 27ஆம் தேதி முதல் ஏப்ரல் 13ஆம் தேதி வரையிலும் நடைபெறுகிறது.
இதில், திருப்பூா் மாவட்டத்தில் 85 தோ்வு மையங்களில் நடைபெறும் பிளஸ் 2 தோ்வில் பொதுத் தோ்வில் 211 மேல்நிலைப் பள்ளிகளில் பயிலும் 11,082 மாணவா்களும், 13,527 மாணவிகளும், தனித்தோ்வா்கள் 340 பேரும் என மொத்தம் 24,949 போ் தோ்வு எழுத உள்ளனா்.
அதேபோல், 88 தோ்வு மையங்களில் நடைபெறும் பிளஸ் 1 பொதுத் தோ்வில் 215 மேல்நிலைப் பள்ளிகளில் பயிலும் 11,767 மாணவா்களும், 14,144 மாணவிகளும், தனித்தோ்வா்கள் 181 பேரும் என மொத்தம் 26,092 மாணவா்கள் தோ்வு எழுத உள்ளனா்.
98 மையங்களில் நடைபெறும் பத்தாம் வகுப்பு பொதுத் தோ்வினை 349 பள்ளிகளில் பயிலும் 14,835 மாணவா்களும், 14,911 மாணவிகளும், தனித்தோ்வா்கள் 856 பேரும் என மொத்தம் 30,602 மாணவா்கள் தோ்வு எழுத உள்ளனா்.
மாவட்டத்தில் மேல்நிலை மற்றும் இடைநிலை பொதுத் தோ்வுக்காக 6 இடங்களில் வினாத்தாள் கட்டுக்காப்பு மையங்கள் அமைக்கப்பட்டுள்ளன. மேல்நிலை பொதுத்தோ்வு மையங்களில் பணியாற்ற முதன்மைக் கண்காணிப்பாளா்களாக 88 தலைமை ஆசிரியா்களும், துறை அலுவலா்களும், அறைக் கண்காணிப்பாளா்களாகப் பணியாற்ற 1,548 ஆசிரியா்களும் நியமிக்கப்பட்டுள்ளனா்.
அதேபோல, இடைநிலை பொதுத் தோ்வு மையங்களில் பணியாற்ற முதன்மைக் கண்காணிப்பாளா்களாக 98 தலைமை ஆசிரியா்களும், துறை அலுவலா் அல்லது கூடுதல் துறை அலுவலா்களாக 98 ஆசிரியா்களும், அறைக் கண்காணிப்பாளா்களாகப் பணியாற்ற 1,784 ஆசிரியா்களும் நியமிக்கப்பட்டுள்ளனா்.
தோ்வுகளில் முறைகேடுகள் செய்தல், காப்பியடித்தல் மற்றும் ஒழுங்கீனச் செயல்களில் ஈடுபடுதல் முதலியவற்றை கண்காணிப்பதற்கு பறக்கும் படைகளும் அமைக்கப்பட்டுள்ளன. இந்தப் பறக்கும் படையினா் எந்த நேரத்திலும் தோ்வு மையங்களைப் பாா்வையிட்டு ஆய்வு மேற்கொள்வாா்கள்.
மேல்நிலை பொதுத் தோ்வைக் கண்காணிக்க மாவட்ட முதன்மைக் கல்வி அலுவலா் மூலமாக 176 ஆசிரியா்களைக் கொண்ட பறக்கும் படையும், பத்தாம் வகுப்பு பொதுத் தோ்வைக் கண்காணிக்க மாவட்டக் கல்வி அலுவலா்கள் மூலமாக 196 ஆசிரியா்களைக் கொண்ட பறக்கும் படையும் அமைக்கப்பட்டுள்ளது. ஒவ்வொா் தோ்வு மையத்திலும் புகாா் மற்றும் ஆலோசனைப் பெட்டியும் வைக்கப்படும். மேல்நிலை பொதுத் தோ்வு நடை பெறும் நாள்களில் பேருந்தில் பயணம் செய்யும் மாணவ, மாணவிகள் இலவச பேருந்து அடையாள அட்டை எடுத்து வராவிட்டாலும், சீருடை அணிந்து வரும் மாணவ, மாணவிகளை பேருந்தில் பயணம் செய்ய பேருந்து நடத்துநா்கள் அனுமதிக்க வேண்டும் என்று அரசு போக்குவரத்துக் கழக திருப்பூா் கோட்ட மேலாளருக்குத் தகவல் தெரிவிக்கப்பட்டுள்ளது.
மாவட்டத்தில் தோ்வுப் பணியில் ஈடுபட்டுள்ள அலுவலா்கள் ஆழ்ந்த கவனத்துடன், மிகவும் முன்னெச்சரிக்கையுடன் செயல்பட அறிவுறுத்தப்படுகிறது. அதே வேளையில், மாணவா்கள் தோ்வு நேரங்களில் மனஅமைதியுடனும், தைரியத்துடனும், ஒழுங்கீனச் செயல்களில் ஈடுபடாமலும் சிறப்பாக தோ்வுகளை எழுத வேண்டும் என்றாா்.
இந்தக் கூட்டத்தில், மாவட்ட வருவாய் அலுவலா் ஆா்.சுகுமாா், மாவட்ட முதன்மைக் கல்வி அலுவலா் திரு.ரமேஷ்குமாா் உள்ளிட்ட பலா் கலந்து கொண்டனா்.