திருப்பூரில் 47 ஆவது சா்வதேச பின்னலாடைக் கண்காட்சி வரும் பிப்ரவரி 17 ஆம் தேதி தொடங்குகிறது.
இந்தியா நிட் ஃபோ் அசோசியேஷன் சாா்பில் திருப்பூரை அடுத்த பழங்கரையில் உள்ள ஐ.கே.எஃப். வளாகத்தில் 17 ஆம் தேதி முதல் பிப்ரவரி 19 ஆம் தேதி வரை இக்கண்காட்சி நடைபெறுகிறது.
இதுகுறித்து ஏஇபிசி தலைவா் ஆ.சக்திவேல் செய்தியாளா்களிடம் கூறியதாவது:
திருப்பூரில் 47 ஆவது சா்வதேச பின்னலாடைக் கண்காட்சி வரும் பிப்ரவரி 17 இல் தொடங்கி 3 நாள்கள் நடைபெறுகிறது. இக்கண்காட்சியில் இந்தியாவில் உள்ள முன்னணி பின்னலாடை உற்பத்தியாளா்கள் தங்களுடைய தயாரிப்புகளைக் காட்சிப்படுத்தவுள்ளனா். இதில், குளிா், கோடைக் கால ஆடைகள், பெண்களுக்கான பிரத்தியேக ஆடைகள், குழந்தைகளுக்கான ஆடைகள், மருத்துவ ஆடைகள் என தனித்தனியாக காட்சிப்படுத்தப்படவுள்ளன. ஜப்பான், ஆஸ்திரேலியா, சிங்கப்பூா், அமெரிக்கா, கனடா, தென் ஆப்பிக்கா உள்பட பல்வேறு நாடுகளைச் சாா்ந்த வா்த்தகா்கள் கண்காட்சிக்கு வர உள்ளனா்.
பின்னலாடைத் துறையில் உள்ள புதிய கண்டுபிடிப்புகள், புதிய வடிவமைப்புகள் ஆகியவற்றைத் தெரிந்து கொள்ளவும், வா்த்தகத்தை மேம்படுத்தவும் இந்தக் கண்காட்சி உதவும்.
இதன் தொடக்க விழாவில், தமிழக கைத்தறி மற்றும் நூல் துறை அமைச்சா் ஓ.எஸ்.மணியன், கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன், சட்டப் பேரவை உறுப்பினா்கள் கே.என்.விஜயகுமாா், சு.குணசேகரன், கரைப்புதூா் ஏ.நடராஜன் உள்ளிட்ட பலா் பங்கேற்ற உள்ளனா் என்றாா்.
இந்த சந்திப்பின்போது ஏஇபிசி செயற்குழு உறுப்பினா் பேஷன் நிட்ஸ் ராமு, ஏஇபிசி நிா்வாக செயலாளா் வசந்தகுமாா் உள்ளிட்ட பலா் உடனிருந்தனா்.