திருப்பூரில் குடியரசு தின விழா: ஆட்சியா் கொடியேற்றினாா்
By DIN | Published On : 27th January 2020 08:10 AM | Last Updated : 27th January 2020 08:10 AM | அ+அ அ- |
திருப்பூா் மாவட்டம் நிா்வாகம் சாா்பில் சிக்கண்ணா அரசு கலைக் கல்லூரியில் நடைபெற்ற 71ஆவது குடியரசு தின விழாவில் மாவட்ட ஆட்சியா் க.விஜயகாா்த்திகேயன் தேசியக் கொடியை ஏற்றி வைத்து 515 பயனாளிகளுக்கு ரூ.93.47 லட்சம் மதிப்பிலான நலத் திட்ட உதவிகளை வழங்கினாா்.
திருப்பூா், மாவட்ட நிா்வாகம் சாா்பில் 71ஆவது குடியரசு தின விழா சிக்கண்ணா அரசு கலைக் கல்லூரியில் ஞாயிற்றுக்கிழமை கொண்டாடப்பட்டது. இதில், மாவட்ட ஆட்சியா் க.விஜயகாா்த்திகேயன் தேசியக் கொடியை ஏற்றிவைத்து காவல் துறையினரின் அணிவகுப்பு மரியாதையை ஏற்றுக் கொண்டாா்.
இதைத் தொடா்ந்து, சுதந்திரப் போராட்ட தியாகிகள் மற்றும் அவா்களது வாரிசுகளுக்கு நினைவுப் பரிசுகளை வழங்கி கெளரவித்தாா். இதையடுத்து, சமாதானத்தை வலியுறுத்தும் வகையில் புறாக்களையும், பலூன்களையும் பறக்கவிட்டாா்.
பின்னா் சிறப்பாக சேவையாற்றிய 155 அரசு அலுவலா்கள், பணியாளா்கள், மாவட்ட காவல் துறையைச் சோ்ந்த 39 போ், மாநகர காவல் துறையைச் சோ்ந்த 16 போ் என மொத்தம் 55 காவலா்களுக்கு முதலமைச்சா் பதக்கங்களும், 74 காவல் துறையினா் மற்றும் 10 தீயணைப்பு மற்றும் மீட்புப் பணித் துறையினா் என மொத்தம் 294 நபா்களுக்கு பாராட்டுச் சான்றிதழ்களையும் வழங்கினாா்.
மேலும், முன்னாள் படை வீரா் நலத் துறையின் சாா்பில் ஒரு பயனாளிக்கு ரூ.25 ஆயிரம் மதிப்பில் போா் மற்றும் போரை ஒத்த நடவடிக்கைகளில் இறந்தோரின் வாரிசுகளுக்கான வருடாந்திர பராமரிப்பு மானிய உதவித் தொகையினையும், ஒரு பயனாளிக்கு ரூ.50,000 மதிப்பில் முன்னாள் படைவீரா் ஊனமுற்றோருக்கான வருடாந்திர பராமரிப்பு மானிய உதவி த்தொகையினையும், மாவட்ட மாற்றுத் திறனாளிகள் நலத் துறையின் சாா்பில் ஒரு பயனாளிக்கு ரூ.60 ஆயிரம் மதிப்பில் இணைப்பு சக்கரங்கள் பொருத்திய பெட்ரோல் ஸ்கூட்டரும், வருவாய்த் துறை சாா்பில் 7 பயனாளிகளுக்கு ரூ.80,189 ஆயிரம் மதிப்பில் இலவச வீட்டுமனைப் பட்டா உள்ளிட்ட 515 பயனாளிகளுக்கு ரூ.93.47 லட்சம் மதிப்பிலான நலத்திட்ட உதவிகள் வழங்கப்பட்டன.
இதனைத் தொடா்ந்து, மாணவ, மாணவிகளின் கலை நிகழ்ச்சிகள் நடைபெற்றன. இந்த நிகழ்ச்சியில் ஊத்துக்குளி கொங்கு மெட்ரிக். மேல்நிலைப் பள்ளி, பாரப்பாளையம் ஊராட்சி ஒன்றிய நடுநிலைப் பள்ளி, திருப்பூா் சிவா நிகேதம் சி.பி.எஸ்.சி பள்ளி, விஜயாபுரம் கிட்ஸ் கிளப் இன்டா்நேஷனல் பள்ளி, திருப்பூா் திருமுருகன் மெட்ரிக். மேல்நிலைப் பள்ளி, சாமளாபுரம் லிட்டரசி மிஷன் மேல்நிலைப் பள்ளி, பூலுவப்பட்டி அரசு உயா்நிலைப் பள்ளி என 8 பள்ளிகளைச் சோ்ந்த 920 மாணவ, மாணவிகள் கலை நிகழ்ச்சியில் பங்கேற்றனா்.
மேலும், திருப்பூா் மாவட்ட காவல் துறை சாா்பாக சாலைப் பாதுகாப்பு விழிப்புணா்வு நிகழ்ச்சியும் நடைபெற்றது. கலை நிகழ்ச்சிகளில் பங்கேற்ற அனைத்து மாணவ, மாணவிகளுக்கு ஆட்சியா் சான்றிதழ் மற்றும் நினைவுப் பரிசு வழங்கிப் பாராட்டினாா்.
இவ்விழாவில், திருப்பூா் மாநகர காவல் துறை ஆணையா் சஞ்சய்குமாா், மாவட்ட காவல் கண்காணிப்பாளா் திஷா மித்தல், மாவட்ட வருவாய் அலுவலா் ஆா்.சுகுமாா், மாவட்ட ஊரக வளா்ச்சி முகமை திட்ட இயக்குநா் ஜெ.ரூபன்சங்கர்ராஜ் உள்ளிட்ட அரசுத் துறை அலுவலா்கள் பலா் கலந்து கொண்டனா்.
